CERVO .- A Consellería de Medio Ambiente “puxo á nosa disposición a axuda necesaria para solventar os problemas derivados destas choivas”, asegura o alcalde de Cervo e explicou que a brigada de Obras e Servizos do Concello están a traballar para restablecer a normalidade ” restablecer a normalidade no concello nos vindeiros días”
Nota de Prensa
VILLARES CONFÍA EN RESTABLECER A NORMALIDADE NO CONCELLO NOS VINDEIROS DÍAS DESPOIS DAS CHOIVAS DA FIN DE SEMANA
* O conselleiro de Medio Ambiente decidiu enviar persoal da consellería para colaborar nas tarefas de desentullo das canles dos ríos Xunco e Cobo tras manter esta mañá unha conversa telefónica co rexedor cervense
Cervo, 25 de xaneiro de 2010.- O alcalde de Cervo, Alfonso Villares, confirmou no día de hoxe que a brigada de Obras e Servizos do Concello de Cervo están a traballar para restablecer a normalidade no termo municipal tralo paso das choivas torrenciais que afectaron a distintos puntos do concello.
O rexedor asegurou que dende que se recibiran os primeiros sinais de alerta por mor destas choivas efectivos de Protección Civil e persoal do Concello estiveron traballando para tentar mitigar os efectos das trombas de auga, as cales derivaron en inundacións en zonas coma o Souto (Cervo) e a piques estiveron de anegar outras zonas coma O Guioncho (A Venta) “pero afortunadamente a apertura das comportas do embalse de Río Cobo evitou que se produciran neste punto inundacións coma xa ocorrera hai dous anos” recoñeceu.
Tamén sinalou que agora o Concello está a centrar os seus traballos en tentar restablecer a normalidade nas zonas afectadas. “Estamos a traballar para arranxar canto antes diversos camiños e vías públicas que se viron afectadas por mor das grandes cantidades de auga que caeron e que deixaron intransitables estas vías de comunicación” indicou o alcalde, quen tamén sinalou que outro punto prioritario nestes traballos son as canles dos ríos Xunco e Cobo, “os cales atópanse con moita maleza, ramas e árbores que nalgúns casos poden ocasionar entullos nas pontes que os cruzan, co conseguinte risco de novos desbordes e roturas destas pontes”.
Apoio da Xunta
O alcalde cervense destacou que a primeira hora da mañá recibiu unha chamada do conselleiro de Medio Ambiente da Xunta de Galicia, Agustín Hernández, “o cal puxo á nosa disposición a axuda necesaria para solventar os problemas derivados destas choivas” indicou. Durante a conversa o rexedor cervense informou ao conselleiro dos danos ocasionados e solicitoulle persoal da consellería para levar adiante a limpeza das canles dos ríos afectados. “E esta mesma tarde está previsto que cheguen efectivos de Medio Ambiente para encargarse de facer estes traballos” asegurou Villares, que valorou moi positivamente a “resposta pronta e inmediata” da Consellería de Medio Ambiente “porque poderemos recobrar a normalidade canto antes, algo que contrasta co acontecido hai un ano, onde os responsables daquela na Xunta deixáronnos completamente esquecidos, excepto para vir a facerse fotos” lembrou.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
