Foz, 16 de xuño de 2017.- O Secretario Xeral do PSOE na Provincia de Lugo, Álvaro Santos Ramos, o Vicesecretario Xeral do PSOE en Foz, Francisco Cajoto, e o voceiro municipal socialista, Chema Linares, xunto a outros compañeiros do partido, mantiveron este sábado encontros cos veciños deste Concello mariñán para coñecer o grao de satisfacción das actuacións por valor de máis de 2 millóns de euros que os socialistas levaron a Foz, sendo as principais e practicamente as únicas iniciativas públicas coas que contaron os case 10.000 focenses.
Santos Ramos explicou que “os socialistas dende o Goberno Provincial achegamos aos veciños de Foz máis de 2 millóns dos seus fondos públicos na Deputación para tentar mellorar a súa calidade pública, acondicionando as infraestruturas e dotacións públicas, ofrecéndolles servizos sociais e novos empregos, así como actividades que dinamizan social e economicamente o Concello. Estes fondos permitiron o financiamento de máis de 30 obras, de 8.000 horas de atención profesional co Servizo a Domicilio a non dependentes que reciben ducias de maiores e que se engaden aos 35 que contan co servizo de Teleasistencia gratuíta provincial, ademais da celebración dunhas 30 iniciativas en impulso do turismo, do deporte e da cultura. Somos os socialistas os que ofrecemos aos veciños de Foz as principais e practicamente as únicas iniciativas públicas no seu Concello, facendo que o público repercuta no público”.
Neste senso, Cajoto destacou que “os investimentos que traemos os socialistas ao Concello de Foz son reais e repercuten directamente no día a día dos nosos veciños a diferenza do que fai o Partido Popular, que non ofrece ningún novo investimento público real aos nosos veciños nin dende o Concello nin dende a Xunta. O único proxecto que anunciaron para Foz é a dotación dunha depuradora que está sen executar”.
1,6 millóns en melloras de infraestruturas e dotacións públicas
Santos Ramos e Cajoto fixeron estas declaracións durante unha visita aos parques municipais en Conde de Fontao e Campo da Cabana, totalmente renovados con máis de 200.000 euros que achegou o Goberno Provincial Socialista na Deputación. O parque de Conde Fontao está situado no muelle grande, nunha das beiras do peirao. Conta con moita afluencia de cativos por estar situado ao carón dunha das zonas hosteleiras máis importantes do Concello. Dotouse de novo solo e equipamento, como tobogáns ou bambán. Tamén ten máis equipamento o parque no Campo da Cabana, moi empregado ao situarse nunha das prazas máis emblemáticas do municipio e estar rodeado de máis dotacións deportivas, como pistas ou cachas de baloncesto.
Estes fondos engádense aos 700.000 euros que tamén levou o Executivo do PSOE na Deputación para humanizar e reordenar o tráfico na Avenida Álvaro Cunqueiro; aos 253.000 para o acondicionamento de ducias de accesos do rural en zonas como San Acisclo, Vilaronte, Ribela en Cagas, no barrio de Escanlar, Fazouro, Córdido ou Torres, entre outros; aos 200.000 euros para mellorar instalacións deportivas como o estadio Martínez Otero; aos case 115.000 para arranxar estradas como a LU-P-2010 de Bao a Ver ou a LU-P-2009 de Peirao de Foz a Bispo Santo por Marzán; aos preto de 100.000 euros para novo alumeado público nas rúas Illanova e Avenida Breogán, e no campo de fútbol; e aos 90.000 euros para a compra de terreos do Castro de Engrobas.
Fomento dos servizos sociais e do emprego con máis de 200.000 euros
O PSOE financia con máis de 40.000 euros dende o Executivo Provincial unhas 8.000 horas de atención profesional a maiores de Foz a través do Servizo a Domicilio para non dependentes, ao igual que ofrece e asume o servizo de Teleasistencia gratuíta que reciben outros 35 focenses. Os socialistas xeraron en Foz uns 10 novos postos de traballo con programacións como o Ben Emprego e DepuEmprego, achegando para elo 160.000 euros para asumir os custos laborais destes profesionais. Estes traballadores están, ademais, a reforzar a actividade de colectivos sociais e entidades de Foz, así como contribuíndo á prestación de servizos públicos municipais.
Preto de 230.000 euros para actividades turísticas, culturais e deportivas
Para impulsar a económica local e a vida social, os socialistas achegaron case 230.000 euros, que permitiron a celebración dunhas 30 citas como a Festa do Berberecho, o Concurso Internacional de Baristas, a Travesía Ría de Foz, o Festival Voces Xóvenes “A Capela”, entre outras actividades turísticas, culturais e deportivas, convertendo á Deputación na maioría dos casos na principal ou única patrocinadora.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
