BARREIROS .- O colectivo cultural Ollomao “lamenta a perda do ilustre veciño barreirense, Antón Moreda, un referente na defensa da cultura e do idioma”.
NOTA DE PRENSA
Barreiros, 4 de Febreiro de 2010
O COLECTIVO CULTURAL OLLOMAO LAMENTA A PERDA DO ILUSTRE VECIñO BARREIRENSE, ANTÓN MOREDA, UN REFERENTE NA DEFENSA DA CULTURA E DO IDIOMA.
Antón Moreda foi homenaxeado no seu pobo natal nun acto organizado baixo o nome “ A un veciño esquecido” polo colectivo barreirense a finais do ano 2007, no que se contara coa presenza de numerosas personalidades da vida política e cultural galegas.
O Colectivo Cultural Ollomao quere lamentar a perda dunha figura tan importante na historia política e cultural da nosa Nación, á vez que fai un chamamento para que o seu legado sexa entendido como propio do pobo e non fique no esquecemento. Desde o colectivo aseguran que “ recollemos o facho do traballo iniciado por persoas como Antón Moreda que traballaron dándoo todo pola nosa Patria sen agardar nada a cambio. Desde Ollomao loitaremos, igual que o fixo o irmán e veciño Antón, para dignificar a nosa lingua e a nosa cultura. Non permitiremos que se deixe caer no esquecemento a súa figura nen, por suposto, todo o seu traballo e a súa loita polo recoñecemento de Galiza, da súa lingua e da súa cultura.”
Neste sentido, desde Ollomao manifestan que o apoio recibido por Antón Moreda no 2007 na homenaxe celebrado en San Miguel de parte dos seus veciños, debe traducirse tamén nun recoñecemento institucional ao traballo que levou a cabo a prol ata o último momento da súa vida. “Antón Moreda non pode ser esquecido ou ocultado, senón que debe ser un motivo de orgullo para todos os que tivemos a sorte de nacer no mesmo sitio ca el.” Por isto, sinalan desde o Colectivo Cultural Ollomao que rexistrarán no concello de Barreiros unha iniciativa para que este sinalado veciño dea nome a algunha rúa, praza ou espazo público do seu concello natal. “É unha débeda que se ten con Antón Moreda, un Barreirense orgulloso de selo que pregonaba aos catro ventos que o seu lugar de nacemento era San Miguel de Reinante”, aseguran desde Ollomao.
O noso maior recoñecemento para o irmán e veciño Antón Moreda, sempre na memoria.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
