Mondoñedo, 15 de outubro de 2018. A obra gañadora foi seleccionada de entre once finalistas. Nome: Bonita, gañadora do Premio Mondoñedo10 na modalidade de Teatro.
O xurado, integrado por representantes das principais organizacións culturais de Galicia, reuniuse onte pola mañá na Cidade da Paula
Ao entender do xurado, Nome: Bonita, de Vanesa Sotelo, revela unha voz dramática moi sólida caracterizada por un lirismo que entronca coa dramaturxia do mindoniense Álvaro Cunqueiro. O xurado destaca que a obra manifesta o valor testemuñal ao respecto das mulleres represaliadas ao longo da historia. Nun entrecruzamento de linguas e culturas, a partir da figura da cangaçeira brasileira, a autora crea un arquetipo universal da muller loitadora. A acción dramática está atravesada polos conceptos da identidade, a memoria e a ecoloxía como metáfora.
A Asociación As San Lucas en colaboración co Colectivo Mondoñedo É … e o Concello de Mondoñedo convocaron esta terceira edición do galardón co obxectivo de establecer vínculos permanentes entre a cidade e o concello que lles dá nome coas mellores obras de creación cultural producidas en Galicia e en galego nos últimos dez anos.
O prestixio decantado ao longo dos séculos por institucións e persoeiros de ascendencia
ou residencia mindoniense, así como a recoñecida achega destes á cultura galega en xeral,xustifican a creación destes galardóns que se entregarán anualmente co fin de contribuír a salvagardar para a memoria do presente e do futuro da lingua e da cultura galegas aquelas obras que a xuízo do xurado merezan este recoñecemento.
Na primeira edición correspondente ao ano 2016 o xurado elixiu como mellor obra de
Narrativa publicada en galego entre os anos 2006 e 2015 Os libros arden mal da autoría de Manuel Rivas, publicada por Edicións Xerais de Galicia, col. Narrativa, 2016. Na segunda edición correspondente ao ano 2017 o xurado elixiu como mellor obra de
Poesía publicada en galego entre os anos 2007 e 2016 Hordas de escritura da autoría de Chus Pato, publicada por Edicións Xerais de Galicia, 2008.
Xurado
A composición do xurado nesta terceira edición do Premio Mondoñedo10, que distingue á mellor obra dramática publicada en Galicia e en galego entre os anos 2008 e 2017 estivo formado por Antonio Reigosa Carreiras, Cronista oficial de Mondoñedo, que actuou como Presidente. Os vocais foron Olivia Rodríguez González, en representación da Real Academia Galega (RAG); Dolores Vilavedra Fernández, en representación do Consello da Cultura Galega; Afonso Becerra Arrojo, en representación da sección de literatura dramática da Asociación de Escritores e Escritoras en Lingua Galega (AELG); Antonio Salgado Rodríguez, en representación da Asociación de Actrices e Actores de Galicia (AAAG); Tareixa Campo Domínguez, en representación da Asociación Galega de Editoras (AGE); Diego Vázquez Meizoso, en representación da Asociación Galega de Empresas de Artes Escénicas Escena Galega e Francisco Piñeiro González, en representación do concello de Mondoñedo. Exerceu a secretaría do xurado por designación da organización o mindoniense Fran Bouso.
A obra gañadora foi seleccionada de entre once finalistas
A nómina de finalistas é a seguinte:
1.- Onde andas Karl? / RUBÉN RUIBAL
Embora, 2009 ISBN: 978-84-92644-07-0
2.- Flores de Dunsinane / MANUEL LOURENZO
Xerais, 2010 I.S.B.N.: 978-84-9914-141-1
3.- As do peixe / CANDIDO PAZÓ
Contraproducións, 2013
4.- Sempre quixen bailar un tango / TERESA GONZÁLEZ COSTA
Xerais, 2009 I.S.B.N.: 978-84-9782-506-1
5.- Eroski Paraíso / Chévere
Kalandraka, 2016 ISBN: 978-84-8464-373-9
6.- Suite Artabria / MANUEL LOURENZO
Xerais, 2017 I.S.B.N.: 978-84-9121-252-2
7.- O refugallo / PAULA CARBALLEIRA
Xerais, 2013 I.S.B.N.: 978-84-9914-573-0
8.- Os cans non comprenden a Kandisnsky / AVELINA PÉREZ
Erregueté (Revista galega de Teatro, nº 91), 2017.
9.- Voaxa e carmín / ESTHER F. CARRODEGUAS
Difusora de Letras, Artes e Ideas,2016 ISBN 978-84-92958-38-2
10.- Raclette / SANTIAGO CORTEGOSO
Ibuprofeno Teatro, Xerais, 2015 I.S.B.N.: 978-84-9914-872-4
Ademais da peza que resultou vencedora:
11.- Nome: Bonita / VANESA SOTELO
Instituto Nacional de las Artes Escénicas y de la Música, 2015 NIPO: 035-14-055-3
Acto de entrega
O auditorio Pascual Veiga de Mondoñedo acollerá o vindeiro domingo, 21 de outubro ás doce e media do mediodía o acto de entrega do Premio Mondoñedo10 2018 Teatro no transcurso dun acto no que o grupo de teatro da asociación cultural Alexandre Bóveda representará dúas breves pezas teatrais, unha de Rafael Dieste e outra de Álvaro Cunqueiro baixo a dirección de Lino Braxe.
Vanesa Sotelo, a autora de Nome: Bonita
Vanesa Sotelo (Cangas, do Morrazo, 1981) é dramaturga, actriz e directora teatral. Despois de traballar como dramaturga residente no proxecto DRAMA3 do CDG coa escrita de Estigma (xunto con Rubén Ruibal e Jacobo Paz), en 2010 obtén o Premio do Xurado do IV Certame “Diario Cultural” con Indoor e o XIII Josep Robrenyo con Memoria do incendio. En 2011 recibe o IV Premio Abrente de Textos Teatrais con Campo de covardes. En 2014 é seleccionada dentro do III Programa de Desarrollo de Dramaturgias Actuales do INAEM con Nome:Bonita e, ese mesmo ano, participa no proxecto internacional “365 women a year” con O retrato da sibila. Na última década asina a dirección e a dramaturxia de espectáculos como Kamouraska (2010), Antiheroica (2013), Eila (2018) ou Laica (2018). Na actualidade, é a directora da erregueté-Revista Galega de Teatro e combina o seu traballo creativo coa faceta como pedagoga en diferentes colectivos e institucións de Galicia e Portugal.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
