A Mariña, venres 19 de outubro 2018. O BNG iniciou no día de hoxe unha campaña que se vai desenvolver na Mariña, en contra da esaxerada suba do recibo, porque resulta escandaloso todo o que ten a ver co incremento brutal da factura da luz en Galiza, porque pagamos un 31% máis que hai oito anos, e só no período do último ano, de 2017 a 2018, o recibo é un 8,6% mais caro.
Aínda por riba, o Goberno español pretende agora instaurar o “suplemento territorial” da tarifa eléctrica e Galiza, que é produtora de enerxía e nutre a outras partes do estado, vai pagar o 34% do total deste suplemento, mentras Madrid, que é deficitaria en enerxía, tan só vai pagar o 2,1%.
Para o BNG, esta suba que é un auténtico espolio, ten que ter contestación social, e por eso inicia esta campaña que nos vindeiros meses se vai desenvolver polos concellos da comarca, con recollida de sinaturas en lugares públicos, difusión de información e actos públicos tamén por todos os concellos da comarca e mocións nos plenos municipais, según informou Ana Ermida.
Tarifa eléctrica galega, a alternativa a este espolio
Para a formación nacionalista, en palabras da súa deputada Olalla Rodil, “é necesaria unha tarifa eléctrica propia para Galiza, que atendendo aos verdadeiros custos da producción, a factura da luz sexa mais barata que a actual, en beneficio de consumidor@s particulares e das nosas empresas”
No mesmo sentido pronunciouse tamén a responsable comarcal Ana Ermida, que fixo referencia tamén a como lle pode afectar esto ás empresas da comarca e ao conxunto d@s consumidor@s. “Nós producimos electricidade, e temos dereito a que esa riqueza reverta sobre as galegas”, afirmou.
O BNG propón no inmediato, unha tarifa eléctrica propia para Galiza, a eliminación dos suplementos territoriais de tarifa eléctrica, a baixada do IVE na factura eléctrica, garantir a subministración eléctrica a toda a poboación, e a creación dunha empresa pública galega que integre os encoros que remataron o período de concesión.
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
