Lugo. 23 de outubro, 2018. O Grupo Provincial do PP urxe ao presidente da Deputación, o socialista Darío Campos, a presentar un documento de traballo, unha proposta de Orzamentos da Deputación de Lugo para o ano 2019 de cara a iniciar as negociacións cos grupos que forman parte da Corporación.
Os populares recórdanlle ao presidente que se atopa nun Goberno en minoría que precisa do apoio doutros Grupos Políticos con representación na institución para poder sacar adiante unhas contas de cara ao ano próximo. O PP segue a ser o Grupo con maior representación na Deputación de Lugo, 12 deputados fronte aos 10 do PSOE.
Así mesmo, lembran que, tal e como recolle a Lei Reguladora das Facendas Locais (…) o presidente da entidade formará o presuposto xeral e remitirao, informado pola Intervención e cos anexos e documentación complementaria detallados no apartado 1 do artigo 166 e no presente artigo, ao Pleno da corporación antes do día 15 de outubro para a súa aprobación, emenda ou devolución.
“Desde o Grupo Provincial do PP non temos coñecemento de que os Presupostos vaian ser elevados ao Pleno da Corporación que se vai celebrar o vindeiro martes, nin o equipo de Goberno se ten posto en contacto cos populares para trasladar proposta algunha, a pesar de que xa superaron o prazo que marca a Lei para a súa aprobación”.
“Ata a data o único que existen son unhas declaracións do presidente de primeiros de outubro nas que asegura que están a elaborar o documento que someterán á valoración dos grupos, pero case un mes despois, o PP non recibiu ningunha proposta sobre a que traballar”.
Así, o Grupo Provincial Popular esíxelle a Campos unha proposta en firme para analizar e sobre a que poder iniciar as negociacións e o traballo de cara a recoller as demandas que formulen os grupos e que teñen trasladado tamén os veciños e veciñas ao longo deste ano, asociacións e colectivos, así como os alcaldes da provincia.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
