Ribadeo, 23 de outubro de 2018. O grupo municipal do Partido Popular critica a falta de limpeza en Ribadeo. O voceiro, Jesús López Penabad, refírese ao estado no que se atopan os contedores de residuos, sobre todo os amarelos e os azuis, xa que seguen sen recollerse con normalidade e o lixo acumúlase ao seu arredor nas rúas da vila e noutros puntos do municipio.
“O Partido Popular e calquera veciño pode comprobar como se encontra Ribadeo a nivel de limpeza, sobre todo os contedores de residuos, porque os amarelos e os azuis están sen recoller desde hai moito tempo, o que dá unha imaxe lamentable. O actual concelleiro encargado deste asunto saía moito a criticar a limpeza de Ribadeo, pero Ribadeo nunca estivo tan mal este nivel como agora, sobre todo os contedores azuis e amarelos, pero non só eses porque o outro día chamáronme desde unha parroquia, en concreto do barrio de A Rochela, para dicirme que os contedores verdes, os de residuos orgánicos, pasaron desde o xoves antes do Pilar ata o luns seguinte sen recoller. Alí hai algún negocio que está xerando continuamente lixo e polo tanto xa me dirán que maneira de xestionar os residuos é esta”, explica o portavoz do PP ribadense.
Jesús López Penabad engade que “é certo que houbo un problema cunha empresa que quebrou, pero xa fai tempo diso e aínda non lle buscaron solución a ese tema. ¿Que fai o goberno municipal para solucionar este asunto, que é escandaloso? Refrescaron as temperaturas e non é igual que no verán, pero a imaxe que se está dando dun pobo turístico e de comercio e servizos como somos é realmente lamentable”.
O voceiro do PP en Ribadeo diríxese ao equipo de goberno municipal dicindo: “pasen vostedes polas rúas, fíxense nos contedores e miren que abandono existe neles. Polo tanto, póñanse as pilas e arranxen un problema serio, como é o que está pasando coa recollida de lixo. Non sei a profundidade do problema coas empresas, pero intenten solucionalo e deixar a Ribadeo como se merece: limpo”.
O PP denuncia a falta de limpeza en Ribadeo e a gran cantidade de residuos que hai acumulados nas rúas porque non se recollen os contedores amarelos e azuis
Relacionado
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
