A Mariña 8-11-18. A CIG-Ensino apoia á ANPA e á comunidade educativa do CEIP Virxe do Carme de Burela nas accións para acadar a reparación e reforma do CEIP burelés, dado o deficiente estado do centro.
Asimesmo a CIG denuncia o desleixo da Consellaría de Educación que levou a que o CEIP Virxe do Carme sufrira inundacións nas aulas de infantil esta mesma semana, pero recordamos que esta situación se produce pola falta de inversión durante anos por parte da institución responsable das mesmas: A Consellaría de Educación, Universidade e Formación Profesional.
Como consecuencia da falta de inversións as instalacións do CEIP Virxe do Carme padecen múltiples eivas: o centro dispón de diferentes edificios que non están unidos por pasarelas cubertas, de modo que alumnado e profesorado está sometido ás inclemencias meteorolóxicas cada vez que cambian de edificio; o centro tampouco dispón de acceso para persoas discapacitadas, cun gran número de barreiras arquitectónicas, que impedirían mesmo a entrada de servizos de emerxencias en caso de ser necesario; as fiestras e os illamentos non cumpren a función e permiten o paso de auga de chuvia; os tubos e condutos de desaugue están deteriorados e filtran auga, pero o máis grave é que son de fibrocemento cos conseguintes riscos que isto implica.
Instamos á Consellaría de Educación a realizar de modo inminente as actuacións necesarias para a reforma integral do CEIP Virxe do Carme, ou mesmo á construción dunhas novas instalacións, e garantir así o dereito do profesorado e da rapazada a impartir e recibir aulas nun centro seguro, digno e funcional.
A CIG-Ensino apoia á ANPA e á comunidade educativa do CEIP Virxe do Carme de Burela nas accións para acadar a reparación e reforma do CEIP burelés, dado o deficiente estado do centro
Relacionado
-
O PP leva ao Senado o recorte do horario de atención ao público nos cuarteis da Garda Civil da provincia
-
O BNG de Viveiro lamenta que a Xunta ignore as propostas para integrar o proxecto do Gadis na contorna urbana
-
A presidenta De Portos de Galicia aborda coa alcaldesa de Cervo as prioridades de actuación no peirao de San Cibrao
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
