Burela, 15 de novembro de 2018. O Concello de Burela ven de poñer en marcha unha ruta circular de sendeirismo. Ten unha lonxitude de máis de 16 quilómetros e percorre as praias, os paseos marítimos, as zonas xeolóxicas e o Monte Castelo, entre outras localizacións. O concelleiro de Turismo, Ramiro Fernández Rey, salienta que é unha nova aposta pola atracción de turismo. O investimento ascendeu a 8.000 euros.
Fernández Rey anunciou que “imos inaugurar a nova sinalización dunha ruta circular que Pasada das Cabras, que é unha asociación de sendeirismo de Burela, nos tiña solicitada fai tempo. Puxémonos a traballar na delimitación deste espazo e despois de conseguir todos os permisos, que nos levou o seu tempo, hoxe xa podemos dicir que é unha realidade a sinalización desta ruta”.
O edil burelés explicou que “é unha ruta circular por todo o concello de Burela, que ten unha lonxitude de máis de 16 quilómetros, e pasa por zonas de interese paisaxístico, histórico e arquitectónico do pobo. Eu penso que vai ser unha ruta que atraia turismo, que é o que se pretende, xa que pasa por todas as praias do concello, polos paseos marítimos, polas zonas xeolóxicas e polo miradoiro do Monte Castelo, que ten unhas vistas espectaculares”.
O concelleiro de Turismo declarou que “é un tema no que levamos traballando xa tempo. Despois de conseguir todos os permisos, agora xa é unha realidade. Dicir que é unha obra que roldou os 8.000 euros de presuposto e tivemos unha subvención de Turismo de Galicia. No Concello de Burela seguimos traballando no turismo que para nós é moi importante. Estamos vendo como cada ano sube o número de visitantes, e vai ser un atractivo máis para a nosa vila. Estou segurísimo de que a xente que faga esta ruta vai quedar encantada con todo o que hai que ver en Burela e coas vistas, sobre todo, desde o Monte Castelo que son realmente espectaculares”.
Pola súa banda, o alcalde burelés, Alfredo Llano, manifestou que “se rematou xa a obra da ruta circular de sendeirismo que se fixo en Burela con fondos da Xunta de Galicia e do Concello. É unha ruta que viña sendo moi demandada pola asociación de sendeirismo Pasada das Cabras para facer a sinalización e darlle importancia a este tipo de deporte como é o sendeirismo. Desde o Concello de Burela estamos apostando polo deporte e polo turismo en todos os aspectos e tamén polo sendeirismo”.
Para o rexedor: “é un condicionante moi bonito para que sexa visitado Burela, ao mesmo tempo que se pasea tamén se descobren os atractivos que ten este concello. Esta ruta, que está perfectamente sinalizada, é moi bonita dado que discorre polos paseos marítimos, polo Monte Castelo e polas praias. Abarca todo o círculo de Burela e dá lugar a ter unha idea clarísima de cómo é o concello de Burela, ten unhas vistas espectaculares. Quero animar á toda a xente que xa se pode circular por esta ruta, ten paneis informativos e a sinalización por onde hai que ir, polo tanto soamente hai que calzar ben as botas e poñerse a elo”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
