Burela, 16 de novembro de 2018. O Concello de Burela participa na Semana Europea da Prevención de Residuos que se celebra do 17 ao 25 deste mes de novembro.
A Concellería de Medio Ambiente organizará ao longo destes días varios talleres de cociña con sobras de comida nos que participarán rapaces da Fundación Eu Son. Tamén terá lugar unha mesa informativa o venres 23 na praza do Concello.
Ademais durante esa semana a Delegación de Medio Ambiente dedicarase a repartir folletos informativos para axudar a todos a reducir os residuos que xeramos no día a día. Os datos indican que cada un de nós xera de media arredor de 1´5 quilos de lixo e que España está entre os vinte países que máis residuos rexistran.
A concelleira de Medio Ambiente, Noelia María Ben, sinala que “diante desas cifras consideramos que todo esforzo é pouco, e é necesario aplicar a regra das 3R: reduce, reutiliza e recicla. Non debemos esquecer que menos residuos equivale a máis recursos”.
A edil burelesa engadiu que “mañá, 17 de novembro, celébrase o Día da Prevención de Residuos Perigosos e, aínda que non somos conscientes, todos xeramos nos nosos fogares un bo número deles como pilas, lámpadas, aerosois, pinturas e disolventes, aceite, residuos eléctricos e electrónicos. Por elo debemos reducir na medida do posible a súa utilización, pensar antes de tirar se podemos seguir dándolle uso e depositalos sempre nos contedores específicos ou no Punto Limpo”.
A Semana Europea da Prevención de Residuos ten por obxectivo organizar, durante unha mesma semana en toda Europa, accións de sensibilización sobre como previr a xeración de residuos.
O Concello de Burela participa na Semana Europea da Prevención de Residuos que se celebra do 17 ao 25 deste mes de novembro.
Relacionado
-
A Deputación abre este luns o prazo para inscribirse nas actividades das Reservas da Biosfera
-
A Xunta adxudica por máis de 2,1M€ as obras de rehabilitación de 6 vivendas para alugueiro accesible con preferencia a menores de 36 anos en Ribadeo
-
O San Xoán das Corporacións, en Foz, celebrarase o martes con pregón, música e fogueira tradicional
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
