Ribadeo 26-11-18. Desde Inclusiones18, propoñemos celebrar a arte na súa diversidade. No espectáculo, participarán persoas e colectivos amosando retos e loitas. Xa na entrada do auditorio, haberá unha exposición ambiental. Esta benvida responde á colaboración de ADINORA e do Centro de Apoio á Integración Canero-Valdés.
Adrián Vigo medrou nunha familia de artistas. Os problemas motores provocados por complicacións ao nacer non lle impediron desenvolver as súas inquedanzas musicais e as súas habilidades artísticas. Non pode andar porque ten unha discapacidade física do 80%, mais é quen de interpretar, de memorizar harmonía e de compor pezas musicais. Deleitaranos con alalás, asumindo o reto proposto dende a Oficina Galega de Outros Asuntos do Movemento a David, o seu profesor, produtor e compañeiro en escena.
Familia María Fumaça naceu como resposta artística para facer feliz a Rui. A súa madriña Uxía Domínguez Senlle impulsou o tren e hoxe converteuse nun proxecto de arte e diversidade que rompe barreiras. Dende hai 7 anos e 5 discos-libros, Rui, Chus e Manuel compoñen cancións compartindo creación con diversos artistas. Dende o colexio Jesús Álvarez Valdés de La Caridad, doce alumnos e alumnas de 5º de Educación Primaria participarán coa interpretación de tres pezas musicais. Empregarán instrumentos de pequena percusión e a frauta, amosando todo o traballado nas aulas do colexio La Caridad.
Os participantes da Asociación de Axuda ao Enfermo Mental A Mariña de Cervo percorrerán un mapa de sentimentos a través dunha interpretación teatral con música
en directo para este evento. A proposta de Eu son de Burela volve a esta edición de Inclusiones, centrándose desta vez en escenas teatrais surrealistas. A Compañía Ilusiones de Tapia tamén repite este ano, presentando «Las estrellas de la compañía ilusiones». Xogarán cos textos e as luces nun ambiente onírico que equiparen os actos de soñar e de vivir.
Ao longo desta semana, continúan os obradoiros-ensaios no auditorio de Ribadeo co colexio e finca El Cabillón da Fundación Edes, onde a música está dirixida por Ugia Pedreira e os textos e dirección por Marina Oural. Estes, compleméntanse co traballo diario dos profesores e profesionais que Edes realiza dende a súa sede en Tapia. Nós recibimos as propostas artísticas dos diferentes colectivos e traballamos con eles nas transicións, no deseño de luces en creación paralela e no son, deixando que amosen a súa proposta desde as súas ideas, expresando en Inclusiones o resultado do traballo de todo o ano.
Inclusiones18: superación de retos no escenario do auditorio de Ribadeo o 30 de novembro
Relacionado
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
