Posteriormente, no taboleiro de anuncio dixital publicarase a resolución co nome dos gañadores e o xurado contactará cos mesmos para comunicarlles esta decisión. O acto de entrega terá lugar... Ler máis
ÚLTIMA HORA
- A Mostra de Teatro Galego de Cariño abrirá o vindeiro luns a venda de bonos para a súa XLVIII edición
- A Xira de Santa Cruz celebrarase o 1 e 2 de agosto con Pablo Díaz e Olga Kirk como pregoeiros
- Nas instalacións do Real Club Náutico de Ribadeo tivo lugar este mediodía a presentación da XXXVI Semana Naútica, que se desenvolverá do 1 ao 14 de agosto
- O PSdeG defenderá no Pleno da Deputación un novo modelo contra os incendios forestais e máis recursos para o ensino público
- Nas instalacións do Real Club Náutico de Ribadeo tivo lugar este mediodía a presentación da XXXVI Semana Naútica, que se desenvolverá do 1 ao 14 de agosto
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa. - Doce novos policías nacionais en prácticas, pertencentes á 41ª promoción da Escola de Ávila, incorporáronse ás comisarías da provincia de Lugo para completar once meses de formación
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo. - A alcaldesa de Vilalba, Marta Rouco, e a concelleira de Feiras e Mercados, Paula Vigo, anunciaron a apertura das inscricións para participar na III Feira Intercultural, que se celebrará o domingo 2 de agosto na Praza de Santa María coincidindo coa feira mensual
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional. - O Reyco Burela FS abriu a campaña de socios 2026-27, un ano marcado pola proximidade do seu 25 aniversario, que se celebrará o 4 de setembro
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto. - A Deputación celebrou na Praza de San Marcos a segunda Xornada de Exaltación do Bonito de Burela, un showcooking con tres chefs lucenses para promocionar a Feira do Bonito, que se celebrará o 1 e 2 de agosto
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana. - Novas actividades de Cervo Concilia no verán
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga. - O Centro de Interpretación do Alto Miño, na Pastoriza, acolle a exposición Fauna esencial
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
2021 Crónica 3 A Mariña - Implementado por GaliciaDigital