Viveiro, 22 de setembro de 2025. O PSdeG-PSOE de Viveiro agradecer e felicita a Prato_Do e ao seu responsable, o viveirense Lucas Requejo, pola organización das xornadas “Gastronomía con ADN... Ler máis
ÚLTIMA HORA
- César Mogo: “Os senadores do PP por Lugo presentan unha moción sobre San Bartolo que está obsoleta e con medidas inseguras para as persoas”
- Este sábado disputarase en Barreiros o IX Trail Monte Comado
- Máis de 14.000 persoas pasaron polas oficinas de turismo de Ribadeo durante o pasado mes de setembro
- O PP logra que o Senado pida ao Goberno recuperar con “seguridade e normalidade” os accesos á praia de San Bartolo
- Máis de 40 confrades, irmáns e irmás viaxaron este sábado a Compostela para participar na Procesión polas antigas rúas do centro histórico ata a Catedral
Alí tivo lugar un acto Presidido polo Señor Arcebispo de Santiago, Monseñor Francisco José Prieto González, entre outras Autoridades civís e eclesiásticas, entre as que se atopaba o Presidente da Xunta de Confrarías de Viveiro, José Veiga, quen amosouse satisfeito sobre a importante representación das Confrarías e Irmandades da Semana Santa de Viveiro cos seus Estandartes e Presidencias, que contribuíron a incrementar a vistosidade e irmandamento do evento, sendo en múltiples momentos agradecidos pola organización polo engrandecimiento que lle deu a Semana Santa viveirense ao evento. - O deputado de Mocidade, Daniel García, participou na entrega de premios da IV Carreira Popular Valadouro Alfoz que se celebrou este sábado e que contou co apoio da Vicepresidencia da Deputación
Preto de 200 corredoras e corredores participaron na carreira popular e na andaina entre os dous concellos, así como nas probas para as categorías de formación -pícaros, benxamín, alevín e sub 14/sub 16 que se organizaron na contorna do pavillón de Alfoz. - Torneo de Xadrez en Cervo
Celebrouse na Casa do Mar, organizado polo Concello e o Club de Xadrez San Roque. Houbo unha excelente participación, con 23 xogadores e xogadoras repartidos entre todas as categorías. Os gañadores foron: Sub 8: Gael Varela. Sub 10: Javier Fernández. Sub 12: Xulio Pernas. Sub 14: Junliang Wu. Sub 18: David Güeto. Absoluta: Alejandro Alloza. Na entrega de premios participou o concelleiro Alfredo Fernández, que felicitou aos xogadores polo seu gran nivel e animounos a seguir practicando este deporte. - Centos de persoas concentráronse este xoves contra o xenocidio do pobo palestino
Foi unha concentración simultánea en toda Galicia. No caso da Mariña celebrouse en Ribado nos Cantóns do Moreno. - Gala final de peche do Festival de Narración Oral 'De Cobo a Xunco' bautizado como "RÍA", que tivo lugar na Casa da Cultura de Cervo, ante un auditorio cheo
Rematou con empate técnico entre o Río Xunco e o Río Cobo. Con especial agradecemento a Alba María, Lupe Blanco, Caxoto e Carmen Conde de Tarabela Creativa. O Festival de Narración de Cobo a Xunco levou contos e historias cada venres de setembro a diferentes lugares e parroquias do municipio, cunha programación pensada para persoas de todas as idades que culminou co Peche na Casa da Cultura, nunha batalla dialéctica entre os embaixadores/as dos dous ríos, Xunco (Caxoto) e Cobo (Carmen Conde). - Comeza o novo curso da Escola Municipal de Música de Xove
O pasado xoves 25 de setembro mestres da Escola Municipal de Música deleitaron ao alumnado e ao profesorado do CEIP Pedro Caselles Rollán e do IES Illa de Sarón cunhas pequenas pezas musicais a modo de concerto didáctico nos ximnasios de ditos centros educativos de Xove co fin de amosarlles o traballo que día a día realizan nas clases da escola á vez que intentar conseguir novos alumnos para este curso que ven de empezar. Ademáis este mércores tivo lugar a presentación do novo curso da Escola Municipal de Música nunha aula do Colexio de Palmeiro, instalacións que usan a diario para desenvolver a sua programación. - A Agrupación Cultural Francisco Lanza organiza unha viaxe ao mosteiro de Samos e ao Pazo de Tor o sábado 25 de outubro
Pola mañá realizarase unha visita guiada ao mosteiro, así como os seus arredores; a medio día visita a Portomarín, e pola tarde a ao pazo de Tor, en Monforte. O prezo da actividade será de 65€ para socios/as e 75 para non socios/as. Para que se realice a actividade deberá haber un mínimo de 20 persoas inscritas. Non se poderá exceder as 30 por limitacións de público nas visitas. Para inscribirse, enviar un correo indicando nome e apelidos. Para aboar o prezo xa se darán instrucións respondendo a dito correo. Tamén se pode facer a inscrición mediante mensaxe de WhatsApp ao 699809606.
2021 Crónica 3 A Mariña - Implementado por GaliciaDigital