Breves

• O alcalde de Burela recibe os membros do Banco de Tempo

  Unha representación dos seus membros asistiu á recepción que lles ofreceu nas últimas horas o alcalde, Alfredo Llano. O Banco de Tempo, segundo a súa técnico Vanesa Rodríguez, "está a elaborar agora unha memoria das actividades que realizaron ao longo dos últimos meses. Tomamos un descanso no mes de abril, pero de seguido continuaremos con nosos encontros e co noso traballo".

• Recital poético en Lourenzá

  O departamento de cultura de Lourenzá organiza un recital poético, a cargo da autora Carmen Blanco, que leva por título "Estranxeira na súa patria: de Rosalía de Castro a Luz Pozo Garza". Terá lugar o vindeiro mércores, ás 17:30 horas, nas dependencias do Salón de Actos da Casa da Cultura.

• O escritor Francisco Narla estará o martes no Club de Lectura de Burela

  O martes día 16 de marzo, ás 20:30 horas na Biblioteca Municipal, o escritor Francisco Narla compartirá co Clube de Lectura de Burela a súa novela Los lobos del centeno. Segundo explicou a concelleira de Cultura, Neves Cando, “neste libro, Narla utiliza meigas, lobishomes, males de ollo ou a Santa Compaña para situar a trama entre o terror e o suspense. A novela está ambientada nun val da Galicia interior no primeiro cuarto do século XX e está protagonizada por un muiñeiro dunha vila pequena que está amenazada por un mal”.

• Concerto sinfónico no teatro Pastor Díaz en Viveiro

  A banda sinfónica do centro integrado de música Padre Antonio Soler de San Loernzo del Escorial actúa no teatro Pastor Díaz de Viveiro o venres, día 19 de marzo, ás oito da tarde, informa A Xunta de Cofradías Semana Santa de Viveiro