SAN CIBRAO .- Un grupo de persoas da asociación de amas de casa Alborada de San Cibrao, no Concello de Cervo, participa no programa km0 da Deputación e visitan, este martes, o conxunto etnográfico do Mazo de Santa Comba e desprazáronse á Ribeira Sacra para facer unha travesía en catamarán polos Canóns do Sil e visitar os Muíños de Xábrega.
Por outra banda, O xoves, 55 membros da asociación de pais de alumnos do colexio Divino Maestro de Lugo coñecerán o Centro de Intepretación Terras do Miño e despois desprazaranse ó Concello do Vicedo. Na Mariña visitarán a Ponte de Ferro, o Mirador de Estaca de Bares e o porto.
Nota de Prensa
A Ribeira Sacra, A Mariña e O Piornedo, destinos esta semana de Km0
Alumnos do CEIP de Palas de Rei e veciños de Cervo e Lugo participan no programa de visitas institucionais promovido pola Deputación
Veciños de Cervo, Lugo e Palas de Rei participan esta semana no programa de visitas Km0 que promove a Deputación, e que ten por obxectivo dar a coñecer ós lucenses a riqueza medioambiental e paisaxística da nosa provincia e favorecer a nosa economía. Nesta ocasión, os destinos elexidos son a Ribeira Sacra, O Vicedo e O Piornedo.
Este martes un grupo da Asociación de Amas de Casa Alborada de San Cibrao, no Concello de Cervo, foi recibido no Pazo de San Marcos. Trala recepción, visitaron o conxunto etnográfico do Mazo de Santa Comba e desprazáronse á Ribeira Sacra para facer unha travesía en catamarán polos Canóns do Sil e visitar os Muíños de Xábrega.
Mañana Km0 viaxará de novo á Ribeira Sacra. Neste caso, varios membros da Asociación de Dano Sobrevido de Lugo coñecerán en primeiro lugar o traballo que está a desenvolver o Centro de Artesanía e Deseño, e xa en Doade disfrutarán dun percorrido polos Canóns do Sil. Tamén visitarán un centro de oleiría de Gundivós.
O xoves, 55 membros da Asociación de Pais de Alumnos do Colexio Divino Maestro de Lugo coñecerán o Centro de Intepretación Terras do Miño e despois desprazaranse ó Concello do Vicedo. Na Mariña visitarán a Ponte de Ferro, o Mirador de Estaca de Bares e o porto do Concello.
Por último, o venres 36 alumnos de 5º e 6º de Primaria do CEIP de Palas de Rei viaxarán con Km0 ó Concello de Cervantes, onde coñecerán as pallozas do Piornedo e a igrexa de Donís. A ruta completarase cunha visita ó Centro de Interpretación Terras do Miño .
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
