XOVE .- Comparten rotagonismo en Xove as exposiciós, “Coas nosas mans II” e “Xove 360º. Un grado máis”. A exposición “Coas nosas mans II”, da asociación de mulleres Bolboretas, mostra traballos de bolillos, bordado e manualidades. “Xove 360º. Un grado máis” é unha mostra de fotografíacon traballos de Felipe Abad, José Manuel Blanco, Míriam Bermúdez, Santos Cordovilla, Alberto Rapa, Juan Antonio Fernández, Mateo Guerreiro, María Elena Fernández, Andrea Castro, Ana Isabel Lage, Andrés García, Eduardo Basanta e Carlos Montero.
Nota de Prensa I de II
DO 15 AO 30 DE AGOSTO, EXPOSICIÓN “COAS NOSAS MANS II”
Mañá sábado, 15 de agosto, pola mañá ás 9:30 horas, vaise abrir a exposición “COAS NOSAS MANS II” (organizada polo Concello en colaboración coa Asociación de Mulleres Bolboretas de Xove) na Oficina Municipal de Turismo de Xove, a cal vai estar aberta ata o domingo, 30 de agosto, co seguinte horario de apertura (o mesmo da Oficina Municipal de Turismo):
-De luns a domingo de 9:30 a 13:30 e de 16:30 a 20:30 horas, estando pechada os luns e martes pola mañá.
A Exposición inclúe traballos de bolillos, bordado e manualidades dos obradoiros impartidos durante o Curso 2008-2009 polo Concello e pola Asociación de Mulleres Bolboretas.
Nota de Prensa II de II
ABERTA A EXPOSICIÓN “XOVE 360º. UN GRADO MÁIS”
Hoxe, ás 17:00 horas, na Sala de Exposicións do Centro Cívico, ábrese ao público a Exposición “XOVE 360º. UN GRADO MÁIS”, a segunda das moitísimas actividades programadas polo Concello de Xove para o mes de agosto dentro do Programa SAN BARTOLO 2009. A primeira foi a recente exposición, xa rematada, do pintor xovense Manuel Fernández Frá.
A Exposición “Xove 360º” xurdiu o pasado ano por unha iniciativa da Concelleira de Cultura Dolores Meitín, polo que a deste ano e como unha continuación da do pasado ano, dahí o engadido de “Un grado máis”.
Para realización desta Exposición a Concellería de Cultura realizou hai uns meses unha convocatoria entre os fotógrafos amateurs do Concello á cal acudiron 13 fotógrafos, frente aos 7 da convocatoria do pasado ano, razón pola cal dende a Concellería de Cultura se sinte unha especial satisfacción pola boa acollida da convocatoria.
Os 13 fotógrafos que participan nesta Exposición, son: Felipe Abad, José Manuel Blanco, Míriam Bermúdez, Santos Cordovilla, Alberto Rapa, Juan Antonio Fernández, Mateo Guerreiro, María Elena Fernández, Andrea Castro, Ana Isabel Lage, Andrés García, Eduardo Basanta e Carlos Montero.
En total preséntanse 50 fotografías, das cales cada autor escolleu dúas das propias directamente, sendo as 24 restantes escollidas entre tódolos fotógrafos participantes.
A temática da exposición este ano foi libre, inda que o que predomina son paisaxes.
As fotografías están en formato 40X50, realizadas en papel fotográfico máis “foam” (unha especie de cartón pluma). O deseño do cartel da Exposición o realizou Ana Isabel Lage e o deseño da presentación das fotografías foi realizado por Miriam Bermúdez, ambas fotógrafas participantes na mesma.
A Exposición vai estar aberta ininterrumpidamente ata o domingo 30 de agosto, cos seguintes horarios:
-Do 14 ao 23 de agosto: de 17:00 a 22:00 horas.
-Do 24 ao 30 de agosto: de 17:00 a 24:00 horas.
Ademáis desta Exposición, e dentro do Programa Cultural-Deportivo San Bartolo 2009, o noso Concello colabora e patrocina algunhas das actividades que se van desenvolver este fin de semana:
-Carrreira Popular San Bartolo.- Organizada pola ACD Xove, vai ter lugar polas rúas de Xove mañá sábado 15 de agosto a partires das 11:00 horas.
-XXIº Torneo Concello de Xove de Fútbol.- organizado pola U.D. Xove-Lago, vai ter lugar mañá sábado 15 de agosto ás 19:00 horas no Campo Municipal de Beltrán en Lago, cun partido entre a U.D. Xove-Lago e o Real Tapia Club de Fútbol.
-Iº Torneo de Baloncesto “Concello de Xove”.- organizado polo Club Baloncesto Xove , vai ter lugar o domingo 16 de agosto no Pavillón Municipal a partires das 20:00 horas.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
