SANTIAGO .- A Consellería do Mar “estuda en firme a apertura do dique norte do porto de San Cibrao ao tráfico comercial xeral”. A conselleira , Rosa Quintana, prevé que o informe de viabilidade estea listo antes de que remate o ano, documentos “que nos darán a clave e nos dirán a liña na que traballar cara ao futuro en relación con esta infraestrutura”.
NOTA DE PRENSA
A conselleira prevé que o informe de viabilidade estea listo antes de que remate o ano
MAR ESTUDA EN FIRME A APERTURA DO DIQUE NORTE DO PORTO DE SAN CIBRAO AO TRÁFICO COMERCIAL XERAL
? Mar traballa na idea dunha xestión coordinada dos portos da Mariña lucense para captar novos tráficos e sumar oportunidades
? Rosa Quintana considera que a posta en funcionamento do dique norte suporía un pulo na dinamización da costa de Lugo
? A postura da Xunta coincide coas reivindicacións dos colectivos sociais, económicos e políticos da comarca
Santiago, 11 de novembro de 2009.- A conselleira do Mar, Rosa Quintana, manifestou a súa vontade para levar adiante a apertura ao tráfico xeral do dique de Moras, no porto de San Cibrao. Ante a Cámara galega, a conselleira dixo que este tema “xa está en estudo”, e que espera ter os resultados do informe antes de que remate o ano, uns documentos “que nos darán a clave e nos dirán a liña na que traballar cara ao futuro en relación con esta infraestrutura”.
Rosa Quintana incidiu en que a Xunta traballa na idea dunha xestión coordinada dos portos da Mariña Lucense “para captar novos tráficos e sumar oportunidades”. Neste senso, a titular de Mar remarcou que o obxectivo da Xunta “non é priorizar uns portos sobre outros, senón integralos e coordinalos, para saír gañando”. “Entendemos que hai tráfico para cada un deles e que cada un debe especializarse na recepción e embarque de mercadorías diferentes”, dixo, e puxo como exemplos a Burela co caolín, Celeiro co seixo ou Ribadeo coa pasta de papel.
A posta en funcionamento do dique norte do peirao sancibrense representaría, segundo explicou a conselleira “un pulo enorme na dinamización do norte galego, xa serviría para captar novos tráficos que agora se levan outros portos como o de Musel en Xixón”. En resposta a unha pregunta parlamentaria, a conselleira lembrou que a postura da Xunta de Galicia “vai na liña de apoiar e dar saída aos esforzos realizados para facer realidade esta reivindicación histórica defendida polos colectivos sociais, empresariais e políticos da Mariña lucense”.
Cambio de postura sobre a apertura
Rosa Quíntana destacou o cambio de postura do grupo socialista acerca da apertura deste dique norte do peirao de San Cibrao destacando que en 1999 defendía o seu destino ao tráfico xeral, namentres que agora cuestionan a súa viabilidade polo impacto sobre ALCOA e os portos comerciais de competencia autonómica situados na Mariña. A este respecto, os socialistas, a través do senador por Lugo Luís Ángel Lago Lage, establecían o horizonte do 2008 para a apertura do dique norte, cando, dous anos despois e tendo baixo o seu goberno todas as administracións implicadas na decisión, non levaron a cabo xestión ningunha neste sentido.
No mesmo senso, a titular de Mar emprazou a Ismael Rego e ao grupo socialista a definirse sobre esta cuestión, entendendo que non se pode crer na afectación sobre os portos e tamén a contraria. Asemade, tamén defendeu a coherencia da postura da Consellería do Mar neste asunto e reiterou a aposta deste departamento coa Mariña e con esta importante infraestructura
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
