A MARIÑA .- Mondoñedo e Burela acollen a apertura da exposición fotográfica “Olladas de mulleres, visións desde A Mariña”, unha selección dos mellores traballos das participantes no curso de fotografía dixital organizado polo Observatorio da Mariña pola Igualdade. Este sábado 12 ás doce do mediodía terá lugar a inauguración en Mondoñedo, mentres que en Burela será o luns 14 ás oito e media da tarde.
Nota de Prensa
Mondoñedo e Burela inauguran a exposición fotográfica “OLLADAS DE MULLERES, VISIÓNS DESDE A MARIÑA”, unha selección dos mellores traballos das participantes no curso de fotografía dixital organizado polo Observatorio
Este sábado 12 ás doce do mediodía terá lugar a inauguración en Mondoñedo, mentres que en Burela será o luns 14 ás oito e media da tarde
O Observatorio da Mariña pola Igualdade organiza a exposición “OLLADAS DE MULLERES, VISIÓNS DESDE A MARIÑA”, unha selección das mellores fotografías realizadas polas participantes no obradoiro de fotografía dixital do mesmo nome, que desde o mes de outubro tivo lugar nos concellos de Mondoñedo e Burela, impartido polas fotógrafas mariñás Lucía Valea e Maríán García.
Mondoñedo
En Mondoñedo a mostra consta de 21 fotografías en cartón-pluma tamaño grande, e a inauguración será este sábado día 12 ás 12h na sala de exposicións do Centro Comarcal de Mondoñedo (1º andar), na rúa Julia Pardo, 13. Nela participarán o alcalde de Mondoñedo e concelleiro de Igualdade Rolando González, a secretaria do Observatorio Carolina García, así como as propias mulleres participantes no curso que darán a coñecer a súa experiencia. A exposición poderá verse até finais de mes, en horario de luns a venres de 10 a 14.30 e 16 a 19 horas, e os sábados pola mañá de 10 a 14 horas.
Burela
A inauguración en Burela será o luns 14 a partir das 20.30h na Casa de Cultura (1º andar), e nela participarán a tenenta de alcalde e concelleira de igualdade Neves Cando, a vicepresidenta do Observatorio Olga Castro, así como as mulleres participantes no curso. Haberá tamén un ágape, ao que están convidadas todas as persoas que acudan ao acto. En Burela a mostra consta de 22 fotografías en cartón-pluma en tamaño grande complementadas con obxectos persoais das alumnas que contribúan así á definición dos seus traballos. Ademais, haberá continuamente unha proxección audiovisual con todas as fotografías das participantes. A exposición poderá verse até o 14 de xaneiro, de luns a sábado de 11 a 13 e de 18 a 20 horas.
Próximas actividades
O curso de fotografía dixial “OLLADAS DE MULLERES” tamén se está a desenvolver en Barreiros, onde concluirá a finais de xaneiro. Posteriormente organizarase tamén nesta localidade unha exposición coa selección das mellores fotografías.
Finalmente, o colofón á actividade será unha EXPOSICIÓN CONXUNTA no mes de marzo de todos os traballos de Mondoñedo, Burela e Barreiros.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
