BURELA (FNC) .- A tenente de alcalde considera que Burela non se merece o trato que lle dá o Plan de Ordenación do Litoral. Neves Cando acusa aos populares de calar no pleno de onte e de defender os intereses da Xunta e non os dos veciños da vila. PSOE e BNG aprobaron unha moción solicitando a retirada do POL.
A edil nacionalista sinalou que “de vergonza política temos que cualificar a actitude do PP de Burela no pleno de onte sobre o Plan de Ordenación de Litoral e de como este afecta ao noso concello. O equipo de goberno presentaba unha moción que foi aprobada co voto en contra do PP na que se instaba á Xunta á retirada deste plan polo que supón de hipoteca urbanística para o noso pobo e o PP de Burela non dixo nada nin a favor nin en contra deste plan porque neste caso atende máis ás directrices do seu partido que aos intereses de todos os veciños e veciñas de Burela”.
Neves Cando manifestou que “o PP cala ante o desaguisado que supón o POL para o noso concello e dálle as costas ao pobo de Burela. A parte de criticar pola nosa parte que este plan foi presentado pola Xunta daquela maneira con continuos cambios na cartografía e ocultación de certos activos que o regulamentaban tamén falamos da falla de vontade política de consensuar unha normativa de tanto calado para todo territorio galego posto que os prazos para a súa aprobación inicial están aí, fálase do día 15 de maio e os Concellos temos de prazo ata o 3 dese mes para presentar as nosas alegacións. E a todo isto o PP de Burela cala”.
A tenente de alcalde asegurou que “a hipoteca urbanística que este POL supón para Burela tradúcese en perder zonas tan importantes para a nosa expansión como A Marosa, A Casilla, Foxo e O Perdouro, e a todo isto o PP de Burela cala. A afectación que o POL fai sobre A Marosa impide calquera tipo de construción nesta zona e impide incluso calquera tipo de instalación deportiva pechada, co cal todos os terreos comprados alí polo Concello para un futuro complexo deportivo non valen para nada. E o PP de Burela cala. Igualmente a zona de Foxo, tan critica pola afectación que tiña o plan sectorial de vivenda do goberno anterior da Xunta. Agora a zona de Foxo vai quedar totalmente inutilizada para a construción de vivenda e a todo isto o PP de Burela cala”.
Cando segue a relatar que “a expansión industrial da marxe esquerda de O Perdouro, a máis pegada á costa tamén se verá hipoteca con este Plan de Ordenación do Litoral e o PP de Burela cala, por iso desde o equipo de goberno aprobamos onte esta moción solicitando a retirada do plan porque supón un grave perxuizo para o noso pobo. Nós defendemos os intereses de todos os veciños e veciñas de Burela e sen embargo o PP non, porque ao votar en contra desta moción acepta o plan e convértese en cómplice da Xunta de Galicia e de todo o desaguisado que supón para Burela”.
A tenente de alcalde considera que “o pobo de Burela non se merece esta trato e o partido da oposición está actuando defendendo á Xunta e non defendendo os intereses dos veciños de Burela. O PP decidiu onte votar en contra dos intereses de Burela, eles saberán o que fixeron e por qué o fixeron, pero o pobo de Burela non se merece un partido da oposición con esta desvergonza política”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
