LUGO .- A Xunta de Goberno da Deputación aprobou este venres a contratación das primeiras 9 actuacións do Plan Extraordinario de Obra Pública, dotado con 60 millóns de euros, e creado pola Deputación para adiantarse á saída da crise, sen aumentar en nin un só euro a débeda pública. Deste xeito, o organismo provincial investirá 3.712.443 euros, é dicir, máis de 617 millóns das antigas pesetas, no acondicionamento de 26 quilómetros de estrada provinciais de oito Concellos de todas as cores políticas.
A Deputación inicia o proceso de contratación tan só un mes e medio despois de que fose aprobado polo Pleno en abril. O voceiro provincial socialista, Antonio Gato Soengas, subliñou que “trátase dunha cantidade histórica que é resultado dunha boa xestión económica protagonizada por este equipo de goberno e sen antecedentes nesta administración. Con estas obras contribuiremos a manter os postos de traballo existentes”.
As obras contratadas nesta primeira tandada son as seguintes: O Corgo (saneamento e depuración en Arxemil: 242.367 euros), Foz (acondicionamento da estrada que vai dende esta localidade a Espiñeira, dende o punto quilométrico 0,000 ó 2,256. Importe: 548.079 euros); Láncara (mellora da estrada provincial CP 2703 que vai de Pobra de San Xillao a Carracedo, dende o punto quilométrico 0,400 ó 2,280. Importe: 300.000 euros); Monforte de Lemos (acceso de 1,5 quilómetros ó polígono industrial desta localidade: 573.000 euros); Palas de Rei (acondicionamento da CP 2901 que vai da LU-232 polo Burgo e Vilamaior de Negral a Palas de Rei; dende o punto quilométrico: 34,183 ó 36,114; e da CP 4011 do Cemiterio a Tarrio, dende o punto quilométrico 0,187 ó 0,637. Importe: 456.000 euros); Pedrafita do Cebreiro (acondicionamento da CP 4501 que comunica Poio con Samos e O Courel, dende o punto quilométrico 0,000 ó 5,250. Importe: 450.000 euros); Portomarín (mellora da CP 4902 do Alto do Valiño, por Vilaxuste, a Valdeorras; dende o punto quilométrico 0,000 ó 4,200. Importe: 600.000 euros); e Ribeira de Piquín (acondicionamento da CP 4606 que vai de Rioxoan, por Boel, Chao de Pousadoiro e Carballido, a Asturias; dende o punto quilométrico 15,7 ó 24,7. Importe: 540.000 euros).
Neste senso, Gato Soengas subliñou que “a mellor receita contra a crise e para manter o emprego é a obra pública. Fronte á Xunta de Galicia que a reduce nun 60%, a Deputación moito máis ambiciosa, pon en marcha unha macroprogramación sen antecedentes. Cando a situación se recupere, os veciños saberán quen tirou do carro cando fillo falta e quen non o fixo, e quen foi o que puxo enriba da mesa solucións rápidas”.
Outros acordos da Xunta de Goberno
Tamén se aprobaron novas actuacións dentro do canon de 2008-2009 nos Concellos do Páramo e Paradela. No primeiro caso, os investimentos suman 140.982 euros e son os seguintes: acondicionamento dos accesos de San Mamede e Reascos, á igrexa en Reascos, a Pena, de Santa Andrea á ponte, a San Vicente, así como a pavimentación dos núcleos de San Andrés e San Mamede e reparación da ponte na estrada de San Vicente a Gándara. Polo que respecta a Paradela, o investimento que destina a Deputación ó acondicionamento dos accesos a Ferreiros, Tellada, Pedreira e Loio é de 90.353 euros.
O organismo provincial acometerá novas obras neste municipios dentro da anualidade de 2010. Segundo o reparto aprobado no pleno de maio, este ano a Páramo correspóndenlle 75.774 euros e a Paradela 132.795.
Tamén se deu o visto e prace a 14 contas xustificativas do Plan de Comunidades Veciñais que suman 180.975 euros dos que a Deputación achega 95.123. Corresponden todas ó ano 2009, excepto 1 a 2007 e 2 a 2008. Pertencen ós Concellos de Guntín, Baleira, Pantón, Antas de Ulla (2), Barreiros, Láncara, Lugo, Outeiro de Rei, Trabada, Xermade (2), O Valadouro, e Portomarín.
Carta Innova-TE
A Deputación vén de enviar por mail e por correo postal certificado unha carta a todos os Alcaldes e Alcaldesas dos 66 Concellos, na que se lles solicita a adhesión voluntaria antes do 30 de xuño ó programa Innova-TE co que o organismo provincial levará a cabo a implantación da administración electrónica na provincia. A este respecto, o voceiro provincial socialista sinalou que “a Deputación e os Concellos somos aliados neste programa tecnolóxico, polo que lles ofrecemos toda a nosa colaboración en todas as accións que levemos a cabo, e que correrán a cargo economicamente deste institución”.
Neste senso, apuntou que “todas as medidas que se propoñen son para sumar e nunca para restar. Trátase dunha iniciativa de extraordinaria importancia porque a Deputación aforra de media a cada un dos municipios que asinen esta adhesión 300.000 euros, o que sen dúbida é de agradecer nestes momentos de crise económica. Como Alcalde teño claro que todos os responsables dos Concellos non podemos dicir que non a esta importante medida da Deputación”.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
