Nota de Prensa
ARMADA QUERE SABER SE A EDIL LOCAL E VICEPRESIDENTA SEGUNDA DA DEPUTACIÓN É A RESPONSABLE DE QUE OS TRABALLOS DE MANTEMENTO DAS ESTRADAS PROVINCIAIS DE CERVO DERAN COMEZO NA DERRADEIRA SEMANA DE AGOSTO
o A edil de Medio Ambiente asegura que o inicio nestes días dos traballos de roza das cunetas por parte do ente provincial non pode agochar o “abandono de responsabilidades” demostrado polo Goberno de San Marcos no que se atopa a cervense Lara Méndez
Cervo, 21 de agosto de 2010.- A concelleira de Medio Ambiente de Cervo, Pilar Armada, afirmou que os traballos de limpeza nas estradas provinciais do termino municipal de Cervo que se están a facer estes días “chegan desgraciadamente moi tarde” e dixo estar especialmente interesada en coñecer se este “flagrante atraso” se debe ou non á “deixadez, neglixencia e irresponsabilidade da vicepresidenta segunda da Deputación e concelleira socialista en Cervo, Lara Méndez”.
A edil popular dixo que “ao parecer, os responsables da Deputación -con Lara Méndez á fronte- decatáronse por fin de que aquí tamén teñen estradas da súa competencia e que ao igual que as do resto da provincia, tamén necesitan de labores periódicas de mantemento”.
Para Armada, os traballos que está a facer estes días a Deputación nas súas estradas do termino municipal de Cervo non poden agochar “a indolencia, inoperancia e abandono de responsabilidades” do grupo de Goberno provincial. Para a responsable local de Medio Ambiente, aínda que estes traballos de roza e limpeza “non veñen mal”, chegan “tarde e a rastro”. O que demostra, segundo ela, “unha vagancia e inoperancia dos responsables provinciais -entre os que figura unha concelleira desta corporación- que nestes tres anos e medio se teñen caracterizado por ter sempre os seus deberes sen facer e pola folganza en todo o que teña que ver co Concello de Cervo” recalcou a edil do grupo de Goberno cervense.
A responsable local en materia medioambiental botou man da ironía para recordarlles aos responsables do organismo provincial que en Cervo “aínda que poda parecer mentira, o verán chega casualmente ao mesmo tempo que na capital da provincia; e o lóxico sería que fixeran estes traballos en xuño e non na última semana de agosto, cando a densidade de tráfico polas estradas é moito maior; e os que as utilizan atópanse cun estado das carreteiras semi salvaxe. Isto debería de sabelo tamén a señora Méndez, aínda que parece que xa lle esqueceu dende que non vive en Cervo” afirmou.
Armada lamentouse do mal estado que presentaron as estradas provinciais durante estas datas. “Algo que veciños e visitantes teñen aínda desgraza de sufrir porque a día de hoxe aínda faltan moitas vías por limpar, como a que vai de Cuíña a Cervo. E isto a pesares de que dende o Concello remitimos á Deputación reiteradas comunicacións ao respecto, sen que ata o de agora se dignaran a contestar nin sequera a un so dos múltiples escritos que lles enviamos solicitando que acometeran a limpeza das estradas da súa competencia, tal e coma é a súa obriga”
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
