NOTA DE PRENSA:
O problema de barreiros xerouno o PP co seu modelo urbanístico, que non lle pidan ao BNG que o criticou que agora aplauda unha solución que non compartimos
Os nacionalistas piden ao PP que aclare onde están as trabas para executar o Convenio Urbanístico en Barreiros e si está no goberno para gobernar ou só para facer anuncios.
A Mariña, 12 de agosto de 2010. O BNG da Mariña pide ao PP que goberne e deixe de pedir apoios ás demais forzas políticas para solucionar o problema urbanístico de Barreiros. Para os nacionalistas está ben claro que foi un alcalde do PP quen xerou o problema en Barreiros, sendo agora un goberno da Xunta da mesma cor política quen promove o seu modelo de solución que non acaba de executar criando malestar e perdas económicas ao sector da construción con intereses neste concello. Os nacionalistas lembran que a súa postura neste tema está clara dende o primeiro momento e nin comparten o modelo urbanístico desenvolto polo PP no goberno local, nin tampouco a solución proposta polo mesmo partido dende a Xunta de Galiza, polo que non se nos pode pedir agora que a teñen paralizada que actuemos como comparsas de animación dun goberno que se nega a gobernar.
Que non lle pidan ao BNG que anime ao PP a gobernar o desgoberno que xerou o caos urbanístico en Barreiros.
Os nacionalistas mariñaos matizaron o acordo da Mesa de Infraestruturas da Mariña no que se insta á Xunta de Galiza a axilizar as solucións propostas polo goberno autonómico ao conflito urbanístico de Barreiros, “os nacionalistas non apoiamos este punto por coherencia , sendo ben coñecida a postura do BNG neste asunto, nin compartimos a xestión do goberno local que nos levou a onde estamos, nin tampouco as solucións propostas pola Xunta de Galiza”, ambas institucións da mesma cor política. Para o BNG, “non e de recibo que o Partido Popular dende a Xunta e o concello de Barreiros sexan incapaces de sacar adiante as solucións que eles mesmos propoñen e no canto de gobernar, requiran do aplauso e ánimo dos demais”. “Semella unha tomadura de pelo que quen anunciaba solucións inmediatas aos problemas urbanísticos de Barreiros, agora non as execute, polo que sería bo que aclararan onde están as trabas que impiden actuar e si están no goberno para gobernar ou para facer anuncios para a galería.”
Que a Xunta teña que investir diñeiro público para a execución dunhas infraestruturas que a propia lei esixe para construír e o recoñecemento de que as cousas non se fixeron ben desde o principio.
O recoñecemento da necesidade de dotar de infraestruturas básicas ao concello de Barreiros para poder rematar as promocións con licenza municipal en Barreiros e dar a razón ao BNG cando denunciaba o incumprimento da lexislación urbanística neste concello, onde o alcalde e o seu goberno están inmersos en causas xudiciais que de momento non teñen sentencia firme, e varias das promocións con licenza de construción municipal están sometidas a investigación xudicial.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
