O concello de Cervo presentou en San Cibrao as Escolas Deportivas Municipais que inician a actividade o día 14
Nota de Prensa
MAÑÁ DAN COMEZO AS ACTIVIDADES DAS ESCOLAS DEPORTIVAS MUNICIPAIS PARA A PRESENTE TEMPADA 2010-2011
* Onte tivo lugar a presentación oficial das modalidades que se impartirán
* As Escolas Deportivas do Concello de Cervo é unha iniciativa posta en marcha no ano 2007 polo Goberno local co obxecto de fomentar a práctica do deporte entre os cervenses de tódalas idades
Cervo, 14 de setembro de 2010.- Medio cento de persoas de tódalas idades asistiron onte ao auditorio da Casa da Cultura de San Cibrao á presentación oficial da tempada 2010/2011 das Escolas Deportivas Municipais de Cervo.
O acto -no que estiveron presentes o alcalde, Alfonso Villares e os concelleiros Rubén Fernández (Deportes), e Pilar Armada (Asuntos Sociais); ademais dun responsable da empresa encargada da organización destas escolas deportivas- serviu para solventar tódalas dúbidas dos interesados en participar nesta tempada das Escolas Deportivas, así como as posibles modificacións en horarios, instalacións, etc…
Os responsables municipais subliñaron na presentación a aposta do Goberno local por fomentar o deporte “non só para os máis pequenos, senón para todos os veciños en xeral” e afirmaron que ao igual que nas pasadas edicións, as actividades desta tempada foron programadas en base ás suxestións dos propios interesados “porque a nosa intención é que o maior número de persoas se anime a facer deporte e por iso non escatimaremos esforzos para que as Escolas Deportivas sigan funcionando tan ben como o levan facendo nestes últimos anos” sinalaron.
As especialidades deportivas que se impartirán na presente tempada nas Escolas Deportivas son as seguintes:
o Para nenos e nenas (de 0 a 15 anos):
– Xogolandia (nenos e nenas de 3 e 4 anos)
– Baloncesto (Feminino e Masculino)
– Fútbol Sala (Feminino e Masculino)
– Patinaxe artística
– Ximnasia Rítmica
– Aeróbic
– Tenis
o Para adultos (a partir de 16 anos):
– Ximnasia de Mantemento
– Aeróbic
– Pilates
Poderán participar todos os alumn@s nad@s entre os anos 2005-1995 (ambos inclusive). Os alumnos nodos nos anos 2006 e 2007 poderán participar na actividade de Xogolandia. O resto dos alumnos só poderán participar nos actividades de adultos.
A presente tempada dará comezo mañá mércores, 15 de setembro, e rematará o venres 27 de maio, día no que se celebrará a Clausura das EDM Cervo.
As cuotas de inscrición para as actividades non sufren variación respecto ás da tempada pasada e serán as seguintes:
o 12,54 €/mes para os nen@s empadroados no Concello.
o 18,81 €/mes para os nen@s NON empadroodos no Concello.
o 15,68 €/mes para os adult@s empadroados no Concello.
o 20,90 €/mes para os adultos NON empadroados no Concello.
o Familias numerosas: 8.36 €/mes por nen@, (entregar xustificante coa ficha de inscrición).
o 50% de desconto o partir do segundo irmán matriculado menor de 18 anos.
As fichas de inscrición para participar estarán dispoñibles no Concello de Cervo, na Casa da Cultura, nos Colexios, no Instituto Marqués de Sargadelos e tamén ao monitor correspondente.
Aquelas persoas que desexen causar baixa nas EDM Cervo deberán presentar por escrito no rexistro do Concello a correspondente solicitude que alí se lle proporcionará. A devandita solicitude deberá realizarse antes do último día laborable do mes en curso. A baixa terá efecto no mes natural seguinte á data na que se presenta o escrito.
En tódalas actividades existe un número máximo de prazas que aseguren o correcto funcionamento dos grupos, así como un número mínimo para poder levalas a cabo.
Todos os nenas e nenos que se apunten nas actividade de baloncesto deben entregar dúas fotos xunto coa ficha de inscrición. (Obrigatorio para poder participar na competición escolar).
Por formar parte dos EDM Cervo poderás participar en tódalas modalidades deportivas que desexes (tendo en conta a túa idade, sexo, dispoñibilidade horario ou organizativa das EDM). As Escolas Deportivas Municipais de Cervo proporcionarán ao inicio da tempada a tódolos inscritos a indumentaria das Escolas Deportivos: Chándal e camiseta, que será recollido ó remate da tempada.
Os rapaces que formen parte destas escolas poderán ter a oportunidade de participar nos campionatos correspondentes ás actividades impartidas, así como en diversos torneos comarcais, provinciais. Ademais poderán participar tamén en xornadas de convivencia con outras Escolas Deportivas da A Mariña Lucense e farán unha serie de viaxes programados para practicar patinaxe sobre xeo e para presenciar encontros do Baloncesto Breogán e do Burela FS. Así mesmo esta previsto realizar unha excursión de Excursión de sendeirismo para alumnos e pais/nais.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
