Nota de prensa
O BNG PEDIRÁ NO VINDEIRO PLENO DE BARREIROS OS PROXECTOS DE ARRANXO DOS CAMIÑOS, QUE SE ATOPABAN DETERIORADOS POLO PASO DA MAQUINARIA QUE TRABALLOU NAS OBRAS DA AUTOVÍA. AOS NACIONALISTAS PARÉCELLES UNHA MÁGOA QUE OS VECIÑOS TIVESEN QUE ACUDIR AOS MEDIOS A DENUNCIAR ESTA SITUACIÓN.
Barreiros, 2 de febreiro de 2011. O BNG pedirá no vindeiro pleno de Barreiros os proxectos de arranxo dos camiños, que se atopaban deteriorados polo paso da maquinaria que traballou nas obras da autovía do Cantábrico. Aos nacionalistas parécelles unha mágoa que os veciños tivesen que acudir aos medios de comunicación a denunciar a situación e acusan de deixación de funcións ao alcalde, Alfonso Fuente.
O portavoz do BNG no Concello, Antonio Veiga sinalou que “cando está a piques de inaugurarse un novo tramo da A-8 vemos con preocupación como moitos veciños están a protestar por diversas obras derivadas da construcción da autovía. Están preocupados polos accesos, polas caídas e recollidas da auga, que nalgúns casos poden provocar inundacións, polos pasos elevados que se ían facer e non se fixeron e sobre todo polo mantemento e reposición dos viais deteriorados polo paso da maquinaria que traballou nese vial”.
Desde o BNG entenden que “é unha mágoa que teñan que protestar os propios veciños, que teñan que sair na prensa e que teñan que organizarse entre eles para evitar que esas obras os perxudiquen e queden sen solución sine die, sobre todo cando había creada no Concello, a instancias do BNG, unha comisión de seguimento das obras da autovía. Dita comisión reventóuna o PP, non se debían encontrar moi cómodos nela. Así temos que en Vilamar os veciños teñen que sair a protestar á prensa polo deterioro dos viais e en San Cosme teñen que protestar porque o Santo Estevo do Ermo quedou sen uns accesos dignos, sen un paso elevado que tiña que haber por enriba da autovía e que era o que se prometeu nun principio. Agora hai que facer auténticos malabarismos para atopar o Santo Estevo do Ermo. Tamén queda algunha vía de servizo sen saída, por exemplo á estrada de Trabada, algo xa denunciado por varios veciños días pasados”.
Desde o grupo municipal do Bloque Nacionalista Galego consideran que “si a comisión de seguimiento de obras da autovía se reunise todos os meses tal e como tiñamos previsto e se visitaran coas asociacións de veciños todas as parroquias eses problemas hoxe en día estarían solucionados. O PP reventou a comisión porque lle era incómoda, non o entedemos porque temos un concelleiro de Obras que era un dos que ían estar á fronte dela. Non sabemos porque o alcalde, Alfonso Fuente, quixo reventar esta comisión de seguimento das obras da autovía. E agora aí aparecen os problemas e van ser difíciles de solucionar se non se atallan neste mesmo momento”.
Veiga Outeiro dixo que “entendemos que unha obra destas características ten que provocar incomodidades porque os camións tiñan que pasar por algún sitio, pero outra cousa é a solución que lles da despois aos veciños. Unha vez rematada a obra haberá que deixar esa rede viaria no mellor estado posible, como estaba ou mellor incluso e deixar os accesos a todos os montes e a todas as propiedades tal e como estaban ao principio. Unha obra desta envergadura non pode significar perxuizos para os veciños, ten que significar beneficios e para iso tíñase que poñer á fronte o Concello de Barreiros, tivo a súa oportunidade e non o quixo facer, así que o responsable de todo isto é o Concello, porque non esixiu o que tiña que esixir no seu momento. Nós cremos que é unha grave deixación de funcións e agora terano que pagar os veciños, a ineficacia e a ineficiencia do Concello terana que pagar todos os veciños do concello”.
O BNG levará esta cuestión ao pleno do vindeiro venres, “que por certo tiña que terse celebrado o pasado luns e non sabemos porqué tampouco tivo lugar. Levaremos todas estas propostas e pediremos os proxectos de arranxo dos camiños, como representantes políticos e dos veciños temos que coñecer eses proxectos e a ver si satisfacen as súas demandas”.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
