Villares anunciou que o Goberno galego achegará 30.000 euros do Fondo de Compensación Ambiental deste ano para mellorar a eficiencia enerxética do alumeado público de Vilaeimil, San Paio e Vilarxubín
A Pontenova, 9 de xullo de 2026. O delegado territorial da Xunta en Lugo, Alfonso Villares, mantivo hoxe un encontro institucional co alcalde da Pontenova, Darío Campos, para abordar diversos proxectos de interese municipal.
Entre outros asuntos, Villares anunciou que a Consellería de Presidencia, Xustiza e Deportes resolveu a orde de axudas convocadas este ano con cargo á liña competitiva do Fondo de Compensación Ambiental, que contempla unha achega de 30.000 euros para mellorar a eficiencia enerxética da rede de alumeado público de Vilaeimil, San Paio e Vilarxubín.
Estes apoios permitirán seguir avanzando no impulso das infraestruturas e servizos locais, apuntou o delegado, quen lembrou que na convocatoria de 2025 achegáronse 30.000 euros para a obra de eficiencia enerxética do alumeado público de Vilaboa, Couso, Barreiriñas e Vilarmide; e 18.000 euros para renovar a fosa séptica do núcleo de Vilar de Conforto.
Así mesmo, Villares referiuse a outras actuacións recentes, como o convenio de colaboración polo que a Consellería do Medio Rural destina neste exercicio preto de 48.400 euros para acondicionar a rede viaria municipal de Pacios – Labrada.
Esta xuntanza enmárcase na rolda de visitas institucionais que está a realizar o delegado territorial aos concellos lucenses para coñecer de primeira man as súas principais necesidades e demandas e traballar conxuntamente en favor dos intereses da provincia.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
