RESUMO REUNIÓN 29-07-2012
1) Intentei explicar a xente do mellor xeito posible e segundo a información que me consta as dúas únicas vías que hai neste momento para recuperar os nosos aforros: Arbitraxe e Demanda Xudicial.
2) Insistín en que cada quen se informe pola súa conta e contraste toda a información debidamente tanto na entidade bancaria como nas oficinas de consumo ou ben cun despacho de avogados antes de tomar unha decisión.
3) Como portavoz da plataforma quero deixar claro que a partires de agora e depois de coñecer as dúas vías, cada quen terá que analizar o seu caso de forma individual e persoal para tomar unha determinación do que vai a facer e por que vía se vai a decantar.
4) Dende a Plataforma non vou a aconsellar nin recomendar ningunha das vías a ningún dos afectados, cada quen terá que decidir LIBREMENTE E DESPOIS DE ANALIZAR O SEU CASO POLO MIÚDO o que vai a facer.
5) A Plataforma da Mariña vai a seguir en activo informando e asesorando a quen o precise de todo o que levamos feito ata o de agora e seguirei proporcionando información sobre estas dúas vías de reclamación das que dispoñemos a quen o precise pero sempre recalcando que a decisión final a adoptar e cousa individual e persoal.
6) Tomei esta determinación porque eu non son ninguén para aconsellar por que vía ten que ir cada afectado, entendo que é algo que o ten que decidir cada persoa de forma individual e persoal, xa que non quero que o día de mañá poidan dicir que dende a Plataforma se lles aconsellou unha das vías e que non foi a solución.
7) Seguimos coas manifestacións programadas:
– Xoves día 2 de Agosto en Viveiro: Saída as 11 da Praza Maior.
– Mércores día 8 de Agosto en Ribadeo: Saída as 11 do Cantón.
8) Para calquera dúbida ou consulta poden chamar ao número: 608 191 779
** A semana que vén haberá unha charla informativa en Foz para explicar en que consiste exclusivamente o arbitraxe de NGB no caso das preferentes, será impartida por Miguel López Crespo (Secretario Xeral da Unión de Consumidores de Galicia). Está o día e a hora por confirmar pero mantereivos informados. Esta charla vai a ser exclusivamente para afectados polas participacións preferentes de NGB.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
