A Mariña, 24 de outubro de 2014.- A secretaria da CIG -Ensino da Mariña, Dores Fernández Abel, en nome da Plataforma Galega en Defensa do Ensino Público, cualificou a folga contra a LOMCE na Mariña como un “éxito rotundo”, superándose mesmo a participación que houbo noutras convocatorias realizadas do ensino na comarca. O paro foi dun 65% no profesorado que secundou a folga pero que se eleva a un 80% se sumamos o paro do estudantado de secundaria.
Así mesmo, a Plataforma Galega en Defensa do Ensino Público valora moi positivamente a participación de máis de 1.000 persoas na concentración e posterior manifestación que tivo lugar en Burela a mediodía. Na manifestación, que percorreu as rúas céntricas de Burela, participaron tanto pais e nais, como alumnado de primaria e secundaria así como profesorado chegado de todos os centros da Mariña, desde Ribadeo ata Viveiro. Durante toda a marcha escoitáronse berros contra a reforma educativa do PP e a favor dun ensino público galego, gratuíto e non discriminatorio.
Dores salientou que “hoxe conflúen a folga do profesorado, o paro convocado polas organizacións estudantís e a solidariedade dos pais e das nais. Unha folga que afecta a todos os niveis educativos e nos que o paro foi secundado pola totalidade da comunidade educativa”.
Ao final da manifestación, na Praza do Concello, cantáronse algunhas coplas contra a Lomce e leuse o Manifesto onde se reclama a retirada da lei por ser un atentado a un servizo básico e a un dereito fundamental como é o dereito é educación, por ser unha lei privatizadora, españolizadora, selectiva e elitista e que mesmo despreza ao profesorado, a coeducación e a xestión democrática dos centros.
Por todo isto, a Plataforma Galega en Defensa do Ensino Público afirma que ao Goberno só lle cabe unha saída: a retirada da lei, posto que é unha lei que nace morta pola grande oposición que desata en toda a comunidade educativa, como se comprobou no día de onte.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
