A Mariña, 29 de outubro de 2019. Trinta profesionais do sector turístico participan nun Fam-Trip á Ruta da Faba. A xornada deu comezo no Centro de Interpretación da Faba coa benvida que lles deron aos participantes a alcaldesa, Rocío López; Paloma Vázquez, xefa de Área Provincial de Turismo en Lugo; e o presidente da Mancomunidade de Concellos da Mariña, Alfredo Llano. A acción foi organizada pola Mancomunidade, ao amparo do convenio asinado coa Axencia de Turismo de Galicia.
Alfredo Llano explicou que “esta é unha iniciativa que promove a Mancomunidade de Municipios porque consideramos que é algo moi positivo non soamente para Lourenzá e para toda a actividade da faba senón para a comarca. Estivemos alí con xente profesional do sector que son touroperadores, axentes de turismo ou persoas que teñen negocios relacionados co sector. Polo tanto me parece que é unha visita obrigada e ademais moi interesante do que se pretende amosar e que temos definido como Ruta da Faba”.
O presidente da Mancomunidade de Concellos da Mariña engadiu que “a Ruta da Faba é unha iniciativa extraordinaria que se reparte en varios aspectos como a gastronomía porque ven as diferentes propostas para preparala e como se cultiva. Tamén visitan a paisaxe de todo o val de Lourenzá, onde está cultivada a faba, os muíños, o Pazo de Tovar, onde se fai a degustación gastronómica, e a igrexa de Lourenzá con toda a súa historia e o seu patrimonio. Esta visita non soamente é algo ecolóxico para valorar o cultivo da faba, senón que se complementa con todos os recursos que hai na zona para motivar á xente a que visite a zona de Lourenzá e calquera outro lugar da Mariña. A Mancomunidade son 16 concellos e a faba non soamente se cultiva en Lourenzá, aínda que aí ten o epicentro, e polo tanto penso que a visita pode dar lugar a estenderse e complementarse perfectamente con todo o que nosoutros temos que ofrecer na Mariña”.
Llano subliñou que “é positivo porque esta actividade de hoxe complementa o Mes da Maxia e outras iniciativas que estamos intentando realizar desde a Mancomunidade para que o turismo sexa fluído durante todo o ano. Así que esta é unha iniciativa máis que creo que pode dar bo resultado para que toda esta xente profesional poida recomendar a outra xente que nos visite tanto en Lourenzá como no resto da comarca”.
Este Fam-Trip é unha acción que impulsa a Mancomunidade de Concellos da Mariña Lucense coa colaboración dos axentes artífices deste produto durante os obradoiros de deseño de rutas experiencias promovidos polo GDR – Terras de Miranda: a Cooperativa Terras da Mariña, o Pazo de Tovar, o restaurante O Forno de Tovar e o Concello de Lourenzá. Ademais da axencia de receptivo Mariñactiva, comercializadora a día de hoxe da Ruta da Faba.
O vindeiro sábado, 2 de novembro, con motivo da ponte de Todos os Santos, Mariña Activa programa unha saída á Ruta da Faba para o público xeral. O horario aproximado da xornada é de 10:30 a 18:00 horas e o prezo de 55€ adultos e 30€ nenos (inclúe comida, entradas, guía, transporte e seguro). Para mais información e reservas hai que contactar no 683 401 865 ou en info@mariñactiva.com.
Consorcio Provincial de Turismo
Alfredo Llano e a axente de Desenvolvemento Turístico da Mancomunidade, Tania Hermida, asistirán mañá en Lugo á xuntanza do Consorcio Provincial de Turismo, que terá lugar na Deputación a partir das cinco da tarde.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
