Ribadeo, 25 de marzo de 2020. O Concello concederá bonos para a compra de alimentos perecedoiros e produtos de hixiene básicos para as persoas ou familias que se atopen neste momento de confinamento en situación de vulnerabilidade social. Así o anunciou esta mañá o alcalde, Fernando Suárez. Eses vales serán canxeables nos supermercados da vila que están se están adherindo a esta campaña. O rexedor subliña que deste xeito se amplía o ámbito de cobertura dos Servizos Sociais de Ribadeo, que xa de xeito habitual veñen distribuíndo alimentos entre as familias máis vulnerables do concello.
Suárez Barcia explicou que “con ánimo de facilitarlle a vida á xente, sobre todo nestes momentos complicados, desde o ámbito dos Servizos Sociais estamos ampliando moitísimo a capacidade que ten o Concello para axudar, non soamente a aqueles colectivos ou persoas vulnerables que os Servizos Sociais xa tíñamos coñecemento deles, senón tamén a aquelas outras persoas ou familias que de súpeto se poidan ver nesta situación. De aí que a entrega de alimentos que facemos habitualmente queremos ampliala a un sistema para garantir unha dieta equilibrada, sobre todo con produtos frescos perecedoiros: de carnicería, de peixaría, de froita e de verdura, acompañado tamén de produtos de hixiene básica”.
O alcalde fai unha chamada a todas aquelas persoas que se atopan nesta situación “para que chamen ao teléfono dos Servizos Sociais do Concello ou a este teléfono único, que levamos días traballando con el, que é o 982.120.739. Se o están pasando mal que non dubiden en chamar a calquera hora do día e nosoutros de maneira inmediata farémoslles chegar un bono asinado polo Concello, que poderán entregar nos supermercados da vila que se están sumando a esta iniciativa (xa son varios e nas próximas horas chegaranos a contestación doutros máis) para que lles canxeen ese bono polos produtos que están establecidos nunha lista. Non se pode canxear por produtos que non sexan imprescindibles”.
O rexedor contou que “daremos bonos cunha periodicidade quincenal se é para unha ou dúas persoas, por un importe de 50 euros. E se as familias son de tres ou máis persoas darémolo con carácter semanal. Polo tanto alguén que se atope nunha situación complexa pode chamar a este teléfono, será atendido con total discreción e entregaráselle o bono para que o poida canxear nos supermercados que se sumen a esta campaña. O Concello de Ribadeo pagaralles aos supermercados os importes destes bonos para alimentos”.
O alcalde ribadense engadiu que “isto engádese a todos os alimentos que o Concello de Ribadeo de maneira habitual segue e seguirá dispensando a aquelas familias que se encontran nunha situación de vulnerabilidade”.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
