Burela, a 31 de xullo de 2020. No pleno ordinario celebrado na tarde de onte o alcalde e o BNG aprobaron a entrega de 30.000 euros a unha empresa se contar con toda a documentación para facelo. Trátase da empresa Geseco, a anterior concesionaria do servizo de recollida do lixo e limpeza viaria, e a cantidade indicada que se lle entregou era a referida a un aval que depositara no seu día para garantir o cumprimento do propio contrato e das súas melloras.
Dende o Grupo Municipal do PP consideran que “na sesión de onte comprobouse como as irregularidades administrativas son unha constante no actual goberno burelés, avaladas, unha vez máis, pola inestimable colaboración na votación dos nacionalistas que tamén votaron a favor”. “Parece que o BNG só se apoia nos informes técnicos cando o seu sentido do voto pode favorecer ao PSOE”, manifesta Manuel Rouco.
Os populares téñeno claro. “Só hai que ler o único informe que figura no expediente, o de tesourería, que é moi clarificador. Tanto no seu punto terceiro como na súa conclusión indica que é necesario que se fagan constar as actas de recepción dos contratos polos técnicos competentes, ou que no seu caso, se fagan constar as responsabilidades a que poden dar lugar”, afirman, ao tempo que remarcan que “non só non existe nada disto no expediente se non que, coa votación favorable de onte, tanto o PSOE como o BNG, incumpriron coa cláusula vixésimo quinta do Prego de Prescricións Administrativas Particulares que o propio Llano asinara no seu día”. Precisamente, neste documento especifícase claramente que dentro do prazo de 15 días anteriores á finalización do prazo de garantía a Dirección facultativa, a instancias da persoa responsable do contrato, redactará un informe sobre o estado de execución do servizo para ver se procede a entrega total ou parcial da garantía, é dicir, dos 30.000 euros. “Nada disto se cumpriu”, afirman dende o GMP.
Dende as filas populares fanse varias preguntas, “como é posible que, sen ter toda a documentación que se precisa, se lle faga entrega de 30.000 euros a unha empresa por puro altruísmo. Estes cartos ben poderían servir agora para axudar ás familias e autónomos da nosa vila, que forma de defender os intereses da veciñanza é esta”, indican.
E é que o GMP non se opuxo á entrega destes cartos, sempre e cando figure a documentación que acredite dita devolución, pero este non é o caso-
Mentiras do alcalde aos comerciantes de Burela
Por outra banda, o socialista afirmou, ante a pregunta efectuada polo GMP, que as axudas para os comerciantes de Burela se ían cifrar en 125.000 euros, cando na comisión informativa do pasado luns indicou que ían ser 115.000 euros. “O certo é que o Sr. Llano, para incrementar a cifra e parecer que vai a axuntar unha contía maior, está a aumentar esta cos 10.000 euros que xa lle está a entregar á ACIA de Burela polo acordo que ten esta co Concello”, confirman dende o PP.
A cifra indicada polo rexedor vai a menos conforme pasa o tempo, “primeiro ía ser todo o que fixera falta do Plan Único, despois ía ser todo o que houbera do superávit municipal, máis tarde ían ser 120.000 euros, e agora parece, que van a ser 115.000 euros, e dicimos parece porque co Sr. Llano nunca se sabe”, conclúen os populares.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
