CERVO.- O BNG de Cervo di que “Elevaremos as denuncias contra a Xunta de Goberno por incumprimento da Lei de Protección do Patrimonio e de urbanismo ate onde sexa preciso”, xa que “o Castro da Atalaia é un ben de extraordinario valor tanto cultural como turístico que o PP nin quixo nin quere ver”
NOTA DE PRENSA.
O BNG NON DUBIDARÁ EN ESIXIR RESPONSABILIDADES POLÍTICAS DE CONFIRMARSE A ILEGALIDADE DAS LICENZAS DA ATALAIA.
Elevaremos as denuncias contra a Xunta de Goberno por incumprimento da Lei de Protección do Patrimonio e de urbanismo ate onde sexa preciso.
O Castro da Atalaia é un ben de extraordinario valor tanto cultural como turístico que o PP nin quixo nin quere ver.
O Consello Local do BNG advertiulle ao Parlamentario e Tte. Alcalde de Cervo, Sr. Balseiro, que a lexitimidade hai que gañala e non vociferala; no caso do Sr. Balseiro e a Xunta de Goberno Local que prescindindo da legalidade concederon tres licenzas de construcción na Atalaia tendo pleno coñecemento da existencia dun xacemento arqueolóxico e ao marxe da legalidade urbanística, perdérona por completo.
O Sr. Balseiro e o resto das Xunta de Goberno coñecían dende o ano 2005 un informe de Moenia Arqueoloxía para o Plan Xeral e dende agosto do 2006, 3 meses antes da concesión da primeira licenza, púxose ao descuberto o Cuncheiro do castro coas obras de cimentación que o propio concello realizaba para o observatorio de aves que foron paralizadas e emitíronse os correspondentes informes arqueolóxicos que verificaron a súa asociación a un poboamento galaico-romano dos séculos I e III.
O goberno municipal que contaba con esta documentación, nin recoñecía oficialmente a existencia do xacemento, nin atendeu as obrigas que lle corresponden como administración local na protección do Patrimonio Cultural de Galiza que lle esixen tanto a Lei estatal de patrimonio, como a Galega, como a Lei Reguladora de Bases de Réxime Local, outorgando as tres licenzas a finais do 2006 e abril de 2007 e incumprindo unha orde de paralización de Patrimonio en xuño do mesmo ano, o que provocou a desfeita nunha das parcelas de todo o xacemento, feito que foi denunciado diante da Fiscalía de Lugo.
Tampouco cumpriu coa lexislación o Sr. Balseiro e os seus compañeiros de viaxe cando ao marxe da legalidade urbanística municipal concedeu as tres licenzas sen esixir ao promotor o preceptivo Estudo de Detalle que esixe a normativa no solo onde se concederon, de feito en xuño e outubro de 2005 foron presentados e denegados sendos Estudos de Detalle para a mesma zona. ¿Porqué no 2005 si se esixiron, e no 2006 e 2007 non?
O Sr. Balseiro e a Xunta de Goberno non teñen lexitimidade para falar de protección do patrimonio porqué a eludiron con reiteración, mentiron acusando ao BNG de inventarse un castro inexistente e agora esas mentiras, diante da evidencia, póñense de manifesto mostrando unha caste de gobernantes indignos de estar nos seus postos; o Castro da Atalaia existe aínda que ao Sr. Balseiro non lle guste.
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
