BURELA .- As escolas deportivas municipais de Burela inician as actividades o día 15 de setembro, según anunciou a alcaldesa en funcións e portavoz do BNG no concello de Burela, Neves Cando. A responsable nacionalista que subliñou que este curso “como novidade, queremos introducir o voleibol” e “imos implantar o balonmán nos dous colexio de Burela”, ademais “teremos actividades como patinaxe, tenis, tenis de mesa, bádminton, aerobic, ximnasia de mantemento e xogos tradicionais”. Os interesados poden inscribirse dende o luns na Casa do Concello, na Casa da Cultura o una Biblioteca Municipal.
Nota de Prensa
VOLEIBOL E BALONMÁN CENTRAN AS NOVIDADES DAS ESCOLAS DEPORTIVAS MUNICIPAIS DE BURELA QUE BOTAN A ANDAR O 15 DE SETEMBRO.
Burela, 5 de setembro de 2008. O 15 de setembro botarán a andar por segundo ano consecutivo as escolas deportivas municipais de Burela, segundo anuncia hoxe, a concelleira delegada de Deportes e alcaldesa en funcións, Neves Cando. A edil nacionalista asegura que <continuaremos cos convenios que vimos mantendo co Burela F.S. Pescador Rubén, coa Sociedade Deportiva Burela e co Clube Baloncesto Burela para desenvolver as actividades destes tres deportes. Os interesados terán que inscribirse nestes casos nos devanditos clubes. E tamén mantemos o convenio co Clube Natación Xove para posibilitar a práctica desta disciplina aos nosos mozos e mozas>.
Na oferta das escolas para este 2008-2009 destinadas a todos os públicos <teremos actividades como patinaxe, tenis, tenis de mesa, bádminton, aerobic, ximnasia de mantenimento, xogos tradicionais e como novidade queremos introducir o voleibol>, segue a relatar Neves Cando. O prazo de inscripción para participar nestas actividades deportivas ábrese o vindeiro luns 8 de setembro e deberá realizarse na Casa do Concello, na Casa da Cultura o una Biblioteca Municipal. As escolas deportivas funcionarán desde o 15 de setembro ata o 29 de maio.
Tamén este ano <e seguindo coa experiencia piloto que xa desenvolvemos o ano pasado continuaremos colaborando coa Federación Galega de Balonmán para voltar a ter con forza este deporte en Burela que foi un referente na Mariña no seu día e despois desapareceu totalmente. Este ano imos implantar o balonmán nos dous colexio de Burela> engade Neves Cando, que destaca que <tamén teremos actividades deportivas para os máis pequenos nos propios centros educativos (Virxe do Carme e Vista Alegre) coma aerobic, karate e xogos psicomotrices>.
A alcaldesa en funcións de Burela lembra que <as escolas deportivas son plenamente municipais e gratuitas. Son tamén un tema que temos moi coidado aquí en Burela, de aí que contratásemos no seu día a dous técnicos-monitores deportivos que traballan coa colaboración doutros expertos e dos clubes para ofrecer unha ampla variedade de actividades que todos os anos iremos ampliando, tal e como facemos este ano co voleibol e con balonmán>.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
