Juan José Rodríguez Andina
Carlos Díaz Suárez
Antonio Andina Penabad
Recibimos con gran satisfacción a noticia do sobresemento da causa inxustamente aberta (como quedou claramente demostrado) contra José Carlos Rodríguez Andina. Todos os que o coñecemos e cremos na xustiza sabiamos que este día tiña que chegar, e a nosa única (non por iso pequena) preocupación era saber por canto tempo tería que soportar as insidias e difamacións duns individuos que, ao amparo dunha suposta contenda política, ao que se dedicaron foi a intentar destruír a unha persoa.
Estes políticos de pacotilla demostraron así ser uns miserables, que non vacilan en utilizar calquera medio para satisfacer as súas ambicións persoais. Porque, non nos esquezamos, o que estes lerchos fan non é política, senón unha dexeneración da mesma.
As tres persoas que asinamos esta carta somos familiares directos de José Carlos, polo que sentimos, por suposto, agarimo como persoa, pero tamén respecto como político. E facémolo desde posicións políticas totalmente diferentes, xa que corresponden aos tres partidos con representación parlamentaria en Galicia. Por iso podemos afirmar que as diferenzas políticas, por grandes que sexan, nunca poden xustificar determinados comportamentos, propios de malfeitores, seguidos por algúns, aos que denunciamos e condenamos enerxicamente.
Para finalizar, a aqueles que pensen que situacións como a vivida por José Carlos non son algo que poida ou deba afectarlles, e ante as que poden permanecer pasivos, recordámoslles as palabras de Martin Niemöller sobre a súa propia actitude ante os nazis: “Primeiro viñeron buscar aos comunistas e non dixen nada porque eu non era comunista. Logo viñeron a por os xudeus e non dixen nada porque eu non era xudeu. Logo viñeron a por os sindicalistas e non dixen nada porque eu non era sindicalista. Logo viñeron a por os católicos e non dixen nada porque eu era protestante. Logo viñeron a por min pero, para entón, xa non quedaba ninguén que puidese falar por min.”
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
