CERVO .- O goberno municipal de Cervo inclúe na orde do día do próximo pleno unha proposta para conxelar o imposto de circulación, a taxa do servizo de axuda a domicilio e tamén as taxas pola expedición de documentos e certificacións. Según indican “a reforma nas taxas e tributos locais será aprobada con toda probabilidade na sesión plenaria que terá lugar o xoves” coa finalidade de “levar a cabo un esforzo importante da contención da presión fiscal para favorecer a situación das economías familiares máis afectadas pola actual crise. O resto dos tributos locais serán actualizados conforme ao Índice de Prezos ao Consumo”
Nota de Prensa
O consistorio está a levar a cabo “un esforzo importante de contención da presión fiscal para favorecer a situación das economías familiares máis afectados pola crise”
CERVO CONXELA O IMPOSTO DE CIRCULACIÓN E A TAXA DO SERVIZO DE AXUDA A DOMICILIO
• Beneficiaranse máis de 3.692 vehículos de veciños deste concello que no 2008 ingresaron 182.946 euros ás arcas municipais
• Procederase á actualización do IPC no resto das taxas locais
Cervo, 25 de novembro de 2008.- O Concello de Cervo conxelará o imposto de circulación, a taxa do servizo de axuda a domicilio e as taxas pola expedición de documentos e certificacións. A través desta medida o consistorio pretende levar a cabo un esforzo importante da contención da presión fiscal para favorecer a situación das economías familiares máis afectadas pola actual crise. O resto dos tributos locais serán actualizados conforme ao Índice de Prezos ao Consumo (IPC)
A devandita reforma nas taxas e tributos locais será aprobada con toda probabilidade na sesión plenaria que terá lugar o xoves 27 de novembro a partir das 18 horas. Coincide no tempo con plan de control do gasto que se está a desenvolver desde o consistorio municipal reducindo aquelas partidas máis supérfluas así como os gastos correntes en material de subministros oficinas e protocolo.
CONXELACIÓN DE IMPOSTOS.
O Imposto de Vehículos de Tracción Mecánica (IVTM), segundo tributo en importancia da facenda pública local, non verá incrementado as súas cuantias de tal xeito que a conxelación beneficiará a máis de 3.692 vehículos de veciños deste concello. Durante o 2008 os ingresos por este concepto foron preto de 183.000 euros. A cota do imposto de circulación en Cervo é a máis baixa da comarca da Mariña pois é a mínima permitida por lei.
Por outra banda, o Goberno municipal impulsa tamén unha medida de carácter social. O preto de medio centenar do usuarios do Servizo Municipal de Axuda a Domicilio non verán incrementada tampouco as cantidades que pagan pola asistencia que reciben.
Tampouco virase incrementada a taxa que vén a gravar a expedición de documentos como poden ser as certificacións censais, volantes do padron de habitantes ou de bens, así como as solicitudes. O Goberno municipal busca conxelar estes custes derivados de xestión burocráticas.
ACTUALIZACIÓN DO IPC
O resto dos tributos municipais, entre as que se atopa o imposto sobre construcións e a taxa por licenzas urbanísticas, a de realización de trámites catastrais, apertura de establecementos, ou a do servizo de recollida de lixo serán actualizadas segundo o Indice de Prezos ao Consumo (IPC) que, no mes de referencia (setembro) foi dun 4,5%.
MELLORA A RECOLLIDA DE LIXO SEN INCREMENTO DO CUSTE
Como dato indicativo é preciso subliñar que, por exemplo, no que ao imposto polo servizo de recollida de lixo se refire, o recibo verase incrementado en algo máis de 60 céntimos. O Concello de Cervo non repercutirá o incremento do custe deste servizo que levou a cabo SOGAMA, empresa pública que fai o tratamento dos residuos dos distintos municipios galegos e, á vez, no que levamos de ano, puxo en marcha o servizo de recollida de aceites domésticos, sen por iso aumentar a taxa do servizo de recollida por enriba do IPC.
No caso da taxa polo uso das instalacións deportivas do Club de Rio Cobo o importe dos tikets para a reserva das pistas de tenis, squash, etc. non se modifican coa finalidade de simplificar as operacións de cobro, de tal xeito que os prezos fixados seguen a ser cantidades en números redondos.
A idea do Goberno municipal é que unha e outras medidas non afecten en ningún caso aos investimentos e servizos que se lle están a prestar aos cidadáns pero tamén, evitar que se lle sobrecargue aos cervenses con máis impostos, tal e como se está facer noutros municipios. De feito, ningunha das taxas e tributos municipais sufrirán un incremento nas súas coutas salvo o derivado da actualización do IPC. En todo caso nin a conxelación de impostos, nin a actualización dos tributos restantes afectará aos investimentos e servizos que se lle prestan aos cidadáns.
ESCOLAS DEPORTIVAS
Como quito punto da orde do día no vindeiro pleno tamén incorpórase a modificación da ordenanza reguladora das Escolas Deportivas Municipais. Xunta a actualización do IPC introdúcense unha serie de precisións que cabe subliñar tras a experiencia obtida no primeiro ano de funcionamento deste novo servizo. Fundamentalmente aclárase o procedemento de alta e baixa que os alumnos deben realizar no caso de estar interesados en desenvolver algunha das actividades deportivas que se están a levar a cabo, tanto na modalidade de adultos como no caso das Escolas Deportivas para as rapazas e rapaces do concello. Máis dun centenar de cervenses forman parte das escolas.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
