A MARIÑA .- O servizo de Noitebus ten activas sete liñas na comarca cubrindo as rutas Ribadeo – Muimenta, Viveiro – Muimenta, Meira – Riotorto – Ribadeo, Ferreira – Alfoz – Ribadeo, Ferreira – Alfoz – Muimenta, Viveiro – Ribadeo e Cadramón – Alfoz – Foz. Este servizo depende da Consellería de Política Territorial da Xunta de Galicia que “recomenda aos mozos e mozas que fagan uso do Noitebús nos seus desprazamentos durante as datas de Nadal”.O prezo do billete é de 2 euros durante toda a noite e o calendario, horarios e paradas de todas as liñas dispoñibles poden consultarse na web
FONTE
O Noitebús terá en servizo este Nadal 130 liñas en toda Galicia
Política Territorial fai un chamamento aos xoves para que gocen dun ocio seguro nestas datas e utilicen este servizo nos seus desprazamentos nocturnos
O prezo do billete é de 2 euros durante toda a noite e o calendario, horarios e paradas de todas as liñas dispoñibles poden consultarse na web www.cptopt.xunta.es
No que vai de ano o Noitebús transportou a de 210.000 viaxeiros
Santiago, 20 de decembro de 2008.- A Consellería de Política Territorial, Obras Públicas e Transportes recomenda aos mozos e mozas que fagan uso do Noitebús nos seus desprazamentos durante as datas de Nadal. No compromiso do Goberno Galego coa seguridade viaria, a Dirección Xeral de Transportes informa de que este servizo -que se mantén de xeito permanente ao longo do ano en moitas rutas- será reforzado durante estas datas. En total serán 130 liñas, das que 119 xa viñan funcionando de xeito habitual ao longo do pasado outono e outras 11 engadiranse os vindeiros días, tal e como solicitaran concellos e empresas.
O Noitebús é unha das medidas incluídas no Plan Galego de Seguridade Viaria 2006-2010 da Xunta de Galicia coordinado pola CPTOPT a través do Comisionado de Seguridade Viaria co fin de atallar a siniestralidade nas estradas. Precisamente, dado que as festas do Nadal son unha das épocas nas que se rexistran maiores desprazamentos nocturnos, Política Territorial fai un chamamento aos mozos a empregar o Noitebús como unha alternativa segura, cómoda e asequible respecto ao uso do vehículo privado, e, sobre todo, como unha medida que, singularmente, vai dirixida a mellorar a seguridade viaria dos máis novos e, por tanto, reducir a siniestralidade en desprazamentos realizados no tempo de lecer.
Para acadar a consolidación deste servizo que se iniciou como experiencia piloto en 2006, a Consellería de Política Territorial habilitou este ano unha liña de axudas dotada con 4,2 millóns de euros (o triplo que en 2007) dirixida a concellos e empresas operadoras interesados en implantar servizos de transporte nocturno baixo a marca Noitebús ata xullo de 2009. O que non varía é o custo do billete que será, en todos os casos, de 2 euros, importe que dará dereito á utilización sen límite de veces do servizo ao longo dunha mesma xornada.
210.000 viaxeiros no que vai de ano
O servizo de Noitebús transportou no que vai de ano e ata o 30 de novembro a 210.000 pasaxeiros. O Noitebús consolídase polo tanto como alternativa real e segura ao emprego do vehículo privado e, sobre todo, como unha medida que mellora a seguridade viaria das mozas e mozos e que contribúe a reducir a sinistralidade nos desprazamentos nocturnos.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
