NOTA DE PRENSA DA PLATAFORMA DE AFECTADOS POLO PLAN SECTORIAL DO SOLO EN FOXO-BURELA.
A plataforma de afectados polo Plano Sectorial do Solo da Consellería de Vivenda da Xunta de Galicia, incluidos en Foxo, queremos manifestar á opinión pública que estamos totalmente en contra de que o pleno extraordinario que solicitou para tratar este asunto se vaia celebrar o día trinta, martes, logo de que teña rematado o prazo de alegacións, co que se impide que a Corporación adopte ningún tipo de acordo a xeito de alegacións.
Entendemos que a postura do alcalde pretende ocultar o debate democrático, pretende coartar a presencia de afectados, porque o pleno celebrarase ás dez da mañán, e pón de manifesto que non hai ningún tipo de intención en defender os intereses dos veciños, co que temos que concluir que nada podemos agardar nin do alcalde nin da tenente de alcalde, o que nos provoca unha enorme decepción, porque entre os propietarios hainos de todas as cores políticas, e consideramos que deste xeito non se favorece o diálogo e se xenera tensión.
Supoñemos que o alcalde non actúa a favor dos veciños porque se lle vai en contra á tenente alcalde (que é do BNG) pódelle bailar o sillón e non está pola labor. Polo que como veciños afectados sentímonos burlados pola Xunta, desamparados polo Concello de Burela e despreciados como veciños polo alcalde e pola tenente de alcalde.
Esperamos que o martes día 30 ás 10 da mañá todos/as aqueles/as veciños/as afectados/as polo Plan Sectorial de Foxo ou non, acudan ó Salón de Plenos do Concello de Burela.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
