RIBADEO .- (FNC) A xunta de voceiros celebrada do Concello de Ribadeo acordou destiñar 443.000 euros dos fondos estatais de inversión que recibirá Ribadeo ao amaño de camiños nas parroquias. O alcalde, Fernando Suárez, explica que “a situación deses viais é moi mala polo desgaste habitual pero sobre todo polas chuvias e as condicións climatolóxicas moi adversas dos últimos meses. Todo canto poidamos destiñar non cubre a totalidade das necesidades, si ben é certo que grazas aos convenios asinados coa Consellería de Medio Rural e coa Deputación de Lugo e tamén con esta partida de 443.000 euros váinos permitir que todas as parroquias se vexan beneficiadas deste plan de mellora, algunhas máis que outras porque algunhas están máis estropeadas que as outras”.
Outra partidas de 130.000 euros irá para o a reparación das escolas de Vilela, Piñeiro, Noceda e Santiago. O rexedor sinala que “se trata do arranxo de catro escolas do ámbito rural que se utilizan como lugar de reunión, como local para facer ximnasia… Na escola de Vilela xa se iniciou o seu arranxo hai tempo, pero quedou a medio facer; a de Piñeiro atópase tamén na mesma situación; na Escola de Noceda hai moitos anos que non se actúa e na de Santalla tamén se iniciou a súa reparación, pero está sen rematar”.
Obras de saneamento e reparación de pontes
Con cargo aos fondos estatais de inversión, o Concello de Ribadeo continuará coas obras de saneamento na parroquia de Piñeira, desde Dompiñor ata Folgosa e un primeiro tramo en Vilaframil. A partida para este fin é de 144.000 euros. Suárez Barcia engade que “tamén se van ampliar dúas pontes que son moi transitadas e moi usadas polos veciños que eran moi estreitas e nas que se rexistran algúns accidentes. Son as de Palmeira en Ove e a de Guadalupe que une Covelas con Cedofeita”. E 60.000 euros investirá o Concello “nunha cuestión menor pero moi importante para Ribadeo, que realizaremos cun remanente que quedaba das obras da zona urbana e collendo un pouco do que destinamos á zona rural, decidimos incluir unha serie de melloras no Auditorio Municipal que adoece desde hai tempo dunha serie de humidades e de circunstancias que fan recomendable o seu amaño”.
Propostas da oposición
O alcalde de Ribadeo, Fernando Suárez, sinala que “na proposta dos camiños certamente tiñamos unha cantidade económica teórica superior aos fondos que tiñamos porque unha vez avaliadas e despois de falar coas asociacións de veciños e coa xente das parroquias indo e pisando o territorio por parte dos técnicos municipais e por membros do equipo de goberno vimos que as necesidades eran moi importantes, pero que non se podían acometer todas as obras a un tempo senón as que máis o necesitan. Con todo deixámolo aberto a outro tipo de propostas dos diferentes grupos da oposición e debemos dicir que se estimaron unha parte moi importante das presentadas polo PP porque prácticamente foi o único que presentou unha serie estructurada de camiños que precisaban reparacións. Os outros dous grupos fixeron propostas un pouco máis simbólicas porque o groso das peticións por traelas xa estudiadas eran do PP, non foi por outro motivo”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
