BURELA .- (FNC) O Concello de Burela ven de asinar o segundo convenio de colaboración coa Fundación para o Fomento da Calidade Industrial e o Desenvolvemento Tecnolóxico de Galicia para o proxecto da Rede de Dinamización da Sociedade da Información. A edil nacionalista, Neves Cando, sinala que “se trata dunha iniciativa da Consellería de Innovación e Industria que despois de ter funcionado e moi positivamente o ano pasado por primeira vez en Burela renovamos neste 2009 para continuar cos obxectivos que se prantexan como son promover o uso das novas tecnoloxías entre a poboación facendo especial fincapé nos colectivos nos que a fenda dixital se fai máis evidente. Ten como obxectivos tamén integrar ao colectivo de inmigrantes nesta Sociedade da Información e en xeral promover o uso dos ordenadores como instrumento de traballo, de comunicación e de lecer”.
A concelleira de Benestar Social fai balance do traballo realizado durante o ano 2008 cando se implantou esta rede en Burela nunha aula específica e aberta ao público na Casa da Xuventude. Cando explica que “se levaron a cabo 76 obradoiros con 408 persoas participantes nestes e aparte máis de 250 persoas se achegaron a esta aula para empregar os seus equipos e integrarse nesta rede. A maior afluencia de usuarios e de usuarias ao centro é de persoas que van dos 35 aos 64 anos e que queren realizar os obradoiros de alfabetización dixital, por certo que a maioría son mulleres o 57% e dentro deste grupo comenza haber unha tímida afluencia que agardamos incrementar este ano de persoas inmigrantes sobre todo caboverdianas e peruanas que queren integrarse na Sociedade da Información. E outro grupo importante que acude a este centro é o da mocidade que non dispón destes recursos tecnolóxicos na súa casa”.
Os obradoiros feitos no 2008 versaron sobre a iniciación á informática, internet, creación dunha conta de correo electrónico, ferramentas de Google, blogs, a mensaxería instantánea, procesadores de textos, etc, etc… E outras iniciativas que se levaron adiante “eu destacaría dúas que foron o campionato de trivial galego na rede que se desenvolvou o día das Letras Galegas e no que participaron 29 persoas e un curso para asociacións no que se trataba de crear un blog para o uso destas e no que participaron 11 persoas”, segue a relatar a concelleira de Benestar Social.
Neves Cando engade que “agora renovamos este convenio de colaboración para seguir desenvolvendo todas estas actividades e este ano como novidade contaremos con máis material informático cedido temporalmente pola Rede de Dinamización para poder ampliar esta oferta de actividades e de usuarios aos que chegar con este servizo. Para finais deste mes contaremos con 9 equipos informáticos máis, 5 webcam, un ordenador portátil, dúas impresoras, un proxector e unha cámara dixital para seguir desenvolvendo as actividades na nosa aula da Casa da Xuventude, onde o dinamizador e as persoas que alí traballan continúan deseñando e organizando todas estas actividades.
Burela renova servizos da Rede de Dinamización na que xa participaron 400 persoas
Relacionado
-
A Deputación investirá 260.000 euros na mellora de dúas estradas clave de Burela
-
O Concello de Viveiro lembra as normas de seguridade e convivencia para a Romaría do Naseiro, que comezou este venres
-
Ribadeo vive unha fin de semana gastronómica con catro grandes citas: Feira do Mel, Festa da Ría, Carne ao Caldeiro e Mercado do Camiño
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
