RIBADEO (FNC) .- A iniciativa da Rede de Dinamización da Sociedade da Información do PEGSI (Plano Estratéxico Galego da Sociedade da Información) da Dirección Xeral de Promoción Industrial e da Sociedade da Información) é unha das estratexias fundamentais para o desenvolvemento das políticas de inclusión na S.I. e o desenvolvemento rural. A Rede de Dinamización da Sociedade da Información axudará a levar a cabo actuacións relacionadas co desenvolvemento da actividade económica, empresarial e da implantación dos servizos electrónicos, titorizando a cidadanía con maiores dificultades e proporcionándolles os medios e ferramentas necesarios para poder formar parte activa da Sociedade da Información. A Rede conta con 100 dinamizadores e dinamizadoras, espallados pola xeografía galega en diferentes entidades, que desenvolven charlas, obradoiros e cursos de alfabetización dixital e outros de moi variada temática, adaptándose ás diferentes necesidades dos colectivos sociais tales como mulleres, persoas maiores, persoas con discapacidade, xuventude, asociacións e empresas.
A Rede de Dinamización da Sociedade da Información, en colaboración co Concello de Ribadeo, anuncia novos obradoiros de achegamento ás Novas Tecnoloxías que terán lugar no mes de maio nesta localidade. Os obradoiros que se van desenvolver e as datas nas que terán lugar son:
* “Iniciación á Informática”: con este obradoiro os/as usuarios/as serán capaces de manexar con certa soltura os obxectos (arquivos, cartafoles, ferramentas…) e funcionalidades básicas que ofrece un computador. Desenvolverase do luns 4 ao xoves 7 de maio con horario de 16:30 a 18:00 horas.
* “Iniciación a Internet”: os/as usuarios/as con este obradoiro serán capaces de empregar, de forma básica, aplicacións e ferramentas fundamentais relacionadas coa rede Internet. Realizarase do día 11 ao 13 de maio dende as 16:30 ás 18:00 horas.
* “Creación dunha conta de correo electrónico”: con este obradoiro, que se fará en dúas quendas, preténdese que os/as usuarios/as sexan capaces de crear e xestionar contas de correo electrínico. Realizarase os luns e mércores, do 18 ao 27, de 17 a 18 horas. E os martes e xoves, dende o día 19 ao 28, impartirase tamén a mesma hora de 17 a 18 horas.
* “Mecanografía”: con este obradoiro preténdese que os/as usuarios/as sexan capaces de escribir con tódolos dedos e sen mirar ao teclado do computador. Terá lugar todos os venres do mes, do 8 ao 29, en horario de 11:00 a 12:30 horas.
Tamén esta prevista unha charla sobre “Memoria de Oficios” para o xoves 7 de maio desde as 18:00 ata as 20:30 horas. Nela, a Dinamizadora da Sociedade da Información, Maika Prieto, falará da iniciativa que está prevista realizar no mes de xuño no Centro de Dinamización de Ribadeo.
Asemade, polo día 17 de Maio (Día das Letras Galegas, Día de Internet e Día Mundial das Telecomunicacións), realizarase unha actividade na Aula de Dinamización de Ribadeo, o concurso “Reserva un espazo da túa vida para as Novas Tecnoloxías” o xoves 14 de maio desde as 16:00 ás 20:00, no que haberá dúas quendas.
Para inscribirse ou para solicitar máis información poden dirixirse ao Centro de Dinamización de Ribadeo, sito na rúa Antonio Otero, 15, 2º andar, chamar ao teléfono 982.120.732 ou mandar un correo electrónico ao enderezo telecentroribadeo@gmail.com.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
