BURELA (FNC) .- A Delegación de Benestar Social e Igualdade de Burela, da que é responsable a nacionalista Neves Cando, ven de reclamarlle á xerencia do Consorcio Galego de Servizos de Igualdade e Benestar unha entrevista para analizar con carácter de urxencia a acometida das obras previstas para arranxar a cuberta da galescola. Neves Cando lembra que “a comezos deste ano, dada a deixadez dos gobernos do PP de Burela con respecto ás deficiencias da cuberta da escola infantil que xa mostraba claros deterioros aos dous anos de construida e a raíz dos afectos do temporal de xaneiro, procedéuse desde o Concello ao arranxo provisional destas goteiras, pero a necesidade dun cambio da cuberta é incuestionable”.
A edil nacionalista engade que “desde os servizos técnicos municipais envióuse en novembro do ano pasado un informe sobre as deficiencias desta cuberta e en decembro técnicos do Consorcio Galego fixeron unha visita ás instalacións para supervisar todas as dependencias e no seu informe apúntase literalmente o seguinte: será necesaria a revisión e reparación completa da cuberta co fin de solucionar os problemas de filtracións de auga ao interior do edificio que producen pingueiras en varios varios espazos do mesmo”. Neves Cando segue a relatar que “cando en febreiro deste ano 2009 se reuniu a comisión mixta de seguimento do convenio entre o Consorcio e o Concello de Burela, por parte do Consorcio se fixo constar na acta da reunión que as obras do tellado se iniciarían no verán para interrumpir o menos posible a actividade escolar, quedando pendente informar á dirección da galescola e ao Concello da data de comenzo das obras e da súa duración”.
Reclamacións en campaña
A responsable de Benestar Social e Igualdade sinala que “a día de hoxe nada sabemos das intencións do Consorcio de cando e como acometer estas obras e parécenos urxente tomar medidas xa para realizalas durante o verán. En febreiro deste ano, en plena campaña electoral, os señores Balseiro e Barcia do PP urxían a realización destas obras dada a magnitude das deficiencias, agora gobernando o PP na Xunta tócalles cumprir, e despois de dous meses de goberno a Xunta está paralizada e obras da urxencia e necesidade destas da nosa galescola deberían estar xa en fase de solución e sen embargo nada sabemos”.
Neves Cando apunta que “agora nos meses de xullo e agosto comenza o período vacacional da maioría dos pais e nais da nosa galescola e é o momento ideal para acometer esas obras e así non interrumpir o desenvolvemento normal das súas actividades. Así se comprometeu o anterior executivo da Xunta e así agardamos o fagan os novos responsables porque senón ¿qué lles dirán aos pais e nais de Burela?. Daquela o PP de Burela reclamaba o arranxo urxente destas instalacións ¿qué fai agora que non o cumple?. Non podemos agardar máis, o compromiso desta obra xa está feito, agora só fai falla poñela en marcha e desde aquí instamos ao Consorcio a responsabilizarse dos seus compromisos e a cumprir o prometido”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
