NOTA DE PRENSA
A Consellería do Mar adiantou que ampliará a tripulación adscrita na aeronove con base en Celeiro e triplicará o número de horas de voo das aeronaves da súa competencia para prestar un servizo de salvamento máis eficiente e seguro no litoral galego.
BALSEIRO AMOSA A SÚA SATISFACCIÓN DESPOIS DE QUE A XUNTA ACORDARA GARANTIR A OPERATIVIDADE DO HELICÓPTERO PESCA 2 AS 24 HORAS DO DÍA OS 365 DÍAS DO ANO
* O voceiro do Mar do Grupo Parlamentario Popular felicítase así polo cumprimento dunha promesa electoral e dunha reivindicación histórica desta formación política que no seu día trasladou aos concellos da Mariña lucense e Ortegal a necesidade de que este servizo dispuxera dunha resposta inmediata ante calquera emerxencia marítima a diferenza do que estaba a acontecer ata o momento.
* “O novo Goberno de Galicia cumpre coa Mariña e co sector pesqueiro galego” – sentencia Balseiro Orol quen adianta “esta non será a última boa nova coa que contaremos os veciños desta comarca pois o Executivo de Feijóo é sensible as peticións e aspiracións dos mariñáns”
A Mariña lucense, 05 de xuño de 2009.- O voceiro do Mar do Grupo Parlamentario Popular e deputado mariñán Jose Manuel Balseiro Orol expresou a súa satisfacción despois de que a Xunta de Galicia acordase garantir a operatividade do helicóptero de salvamento Pesca 2, ás 24 horas do día os 365 días ao ano. Esta era unha vella reivindicación da formación política popular e do sector pesqueiro da nosa comarca.
REIVINDICACIÓN HISTÓRICA
Con varias iniciativas na Cámara autonómica, promovidas polo propio Balseiro Orol, e a través dunha moción municipal o PPdeG trasladou o debate sobre a necesidade dun servizo de resposta inmediata ante calquera emerxencia marítima ou terrestre no litoral norte galego ao conxunto dos concellos da Mariña lucense e Ortegal. Naquel momento esta petición atopouse coa oposición do bipartito. PSOE e BNG votaron en contra desta medida alegando que non era necesaria e que resultaba excesivamente caro. Todo iso pese a que os datos demostraban que o cumprimento dos descansos legalmente esixidos e as operacións de mantemento do helicóptero implicaban a falta de operatividade do Pesca 2 durante un horario moito máis amplo do esixido nun servizo de emerxencias.
TRIPLICA O NÚMERO DE HORAS DE VOO E TRIPULANTES
Balseiro Orol felicítase polo tanto tras coñecerse a noticia adiantada pola Consellería do Mar quen fixo público que a tripulación adscrita na aeronove con base en Celeiro e triplicará o número de horas de voo das aeronaves da súa competencia para prestar un servizo de salvamento máis eficiente e seguro en todo o litoral galego. “Esta decisión cobra especial relevancia na nosa comarca xa que o anterior Executivo autonómico negouse a acometer esta ampliación na operatividade deste servizo no caso do helicóptero con base en Celeiro pese a telo anunciado en beneficio da aeronave que opera desde Vigo. Inexplicablemente daban menor valor á vida dun mariñeiro dan osa comarca ou de Ortegal que a do resto das comarcas de Galicia, unha discriminación tan inaceptable como inxusta que sempre combatemos e que hoxe por fin podemos afirmar, con ledicia, que o novo Goberno procedeu a corrixir”
CUMPRIMENTO DUNHA PROMESA ELECTORAL
O voceiro do Mar do Grupo Parlamentario Popular explica tamén que con esta decisión dáse cumprimento a unha promesa electoral. “O novo Goberno de Galicia cumpre coa Mariña e co sector pesqueiro galego” Máis esta non será a última boa nova coa que contaremos os veciños desta comarca pois o Executivo de Feijóo é sensible as peticións e aspiracións dos mariñáns”
UN SERVIZO AMPLO TANTO NO MAR COMO NA TERRA.
Finalmente o deputado popular engade que o helicóptero Pesca 2 non só opera ante posibles alertas por continxencias marítimas senón que, en moitas ocasións, complementa o traballo dos servizos de emerxencia ante outro tipo de sinistros que se poidan producir en terra e nos concellos do litoral da Mariña lucense e Ortegal
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
