NOTA DE PRENSA
O voceiro do Mar do Grupo Popular lémbra que a Xunta está a elaborar un estudo para simplificar, racionalizar e reducir as taxas que soportan mariñeiros, armadores e outros usuarios das instalacións portuarias
BALSEIRO: “O PSOE TEN MEDO A QUEDAR EN EVIDENCIA POLA DECISIÓN DA ACTUAL XUNTA DE ELIMINAR O RÉXIME CONFISCATORIO DE TAXAS PORTUARIAS IMPOSTO POLO BIPARTITO”
* O deputado socialista Ismael Rego “non está á altura do cargo que ostenta –a presidencia da Comisión de Economía- se pensa que a redución de taxas se pode levar adiante dun día para outro, sobre todo tendo en conta que estes cambios teñen transcendencia no orzamento da Xunta.
* O PP mantén a súa intención de promover unha menor carga fiscal nos portos galegos, malia que vaia en contra da filosofía dos socialistas, porque entende que será positivo para revitalizar a situación económica das empresas e usuarios destas instalacións.
Santiago , 23 de xullo de 2009.- O voceiro do Mar do Grupo Parlamentario Popular, Jose Manuel Balseiro Orol, asegura que a gran preocupación dos socialistas está en que o novo Goberno de Galicia vai a terminar co sistema confiscatorio e irracional de taxas portuarias posto en marcha polo PSOE na pasada lexislatura, cando esta formación política xestionaba a extinta Consellería de Pesca e Asuntos Marítimos. Deste xeito interpreta o parlamentario popular as críticas realizadas polo deputado socialista Ismael Rego quen cualificou como un globo sonda a intención dos novos xestores da Xunta de Galicia de reducir este tipo de cargas impositivas que se lles cobran a mariñeiros, armadores e outros usuarios das instalacións portuarias de competencia autonómica.
Balseiro explicou que, tal e como adiantou o presidente do Ente Público Portos de Galicia, na súa comparecencia na Cámara galega, Jose Manuel Álvarez- Campana, estase a elaborar un estudo dirixido á simplificación, racionalización e redución das taxas portuarias. O voceiro do Mar do PPdeG amósase sorprendido porque o deputado Ismael Rego non se dera conta desta cuestión, xa que preside a Comisión de Economía onde precisamente se adiantou a elaboración deste estudo. Segundo Balseiro Orol esta falta de rigor do deputado socialista amosa ben ás claras que o que verdadeiramente lles molesta é que exista un compromiso claro para baixar este tipo de impostos, favorecendo aos homes e mulleres do mar, e racionalizando os trámites administrativos que se ben obrigados a soportar estes usuarios dos portos galegos.
REVITALIZAR A ECONOMÍA PORTUARIA
“O que os novos responsables da Xunta de Galicia buscan, mediante a futura modificación do actual sistema de taxas é revitalizar a actividade económica nas distintas instalacións portuarias empregando precisamente un sistema contrario á filosofía que defenden os socialistas, e por iso molesto para o PSOE, isto é, baixando os impostos en vez de promovendo máis cargas tributarias, taxas e sistemas de confiscación da riqueza” explicou Balseiro Orol.
COMPLEXIDADE E TRANSCENDENCIA TRIBUTARIA
Por outra banda, o voceiro do Mar do PPdeG clarexou que se Ismael Rego non é capaz de comprender que antes de acometer a anunciada reforma das taxas portuarias, e de todo o sistema administrativo a elas vinculado, resulta necesario elaborar un estudo previo, entón moi probablemente este señor non estará á altura da responsabilidade que este deputado ostenta, isto é, o de presidente da Comisión de Economía do Parlamento.”Temos previsto facelo ben, e hai que estudar a mellor fórmula para elo, sobre todo tendo que a anterior Xunta deixou como herdanza un sistema enormemente complexo e con grande carga burocrática” indicou o deputado popular. Balseiro tamén explica que toda redución e simplificación das cargas impositivas, ten a súa influenza no orzamento –que precisamente neste momento se está a elaborar nas súas liñas mestras- e polo tanto non cabe frivolizar.
ALIVIO DA CARGA FISCAL, EN ESPECIA, PARA AS XENTES DO MAR
Finalmente, Balseiro Orol interpreta o feito de que sexa o deputado socialista Ismael Rego e non a voceira de Pesca do PSOE, Marisol Soneira, quen sae á palestra sobre este asunto é unha claro síntoma de que os socialistas son moi conscientes de que non se pode botar por terra unha iniciativa como a que o PPdeG está a propoñer e que se basea no alivio da carga fiscal que teñen que soportar mariñeiros, armadores, e outros usuarios dos portos galegos.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
