NOTA DE PRENSA
O GMPP de Burela acude á reunión de hoxe no concello con ánimo constructivo.
Considera que o alcalde tiña que terse reunido co xefe rexional de Estradas do Estado e cos alcaldes de Foz e Cervo.
Os populares cren que o alcalde non fixo todo o que tiña que facer.
O GMPP de Burela acudirá hoxe á reunión para pechar as alegacións sobre o novo vial San Cibrao-Barreiros co mesmo espíritu constructivo co que asistiu ás anteriores tres reunións, pero considerando que desde a alcaldía non se fixo todo o que se debería ter feito.
Para os populares, as alegacións que presenta a empresa redactora do PXOM van na liña das recollidas polo PP no seu documento de inicio, e tamén recollidas nun estudio previo que tiña feito O Vencello, polo que non debería haber ningún problema ó respecto. Eso quere decir, segundo os populares, que o PP fixo o seu traballo con seriedade e rigor, facendo propostas e aportando ideas.
Pero, segundo os populares, hai algo que se vota en falta, e que estaba nos dous documentos presentados por escrito no concello polo portavoz do grupo municipal popular: non se sabe nada da data da reunión co ministro, se é que está solicitada, e tampouco nada se sabe dunha posible reunión co xefe da demarcación rexional de estradas do Estado, Angel González Del Río, para ter un coñecemento o máis aproximado posible da viabilidade das alegacións que presente Burela. Igualmente, o PP solicitou por escrito a semana pasada que o alcalde de Burela se reunise cos alcaldes de Foz e Cervo, algo que, precisamente, anunciou no seu día o mesmo alcalde, pero hasta a data, e que se saiba, tales reunións non se produciron. O motivo destas reunións é evidente, porque se trataría de consensuar entre os tres concellos unha serie de alegacións que sen dúbida darían máis forza a calquera dos argumentos que se poidan esgrimir. Ademais, entre os tres concellos se podería facer unha proposta de modificado do propio estudio informativo, mesmo propoñendo unha quinta alternativa, que puidese aglutinar os intereses de Foz, Burela, e Cervo, ainda partindo do suposto de que cada quen tén que defender os seus intereses.
Pois ben, segundo os populares, ningunha destas reunións se celebrou, e o alcalde chega á reunión de hoxe con só dous contactos reais: un co xefe provincial da demarcación de estradas do Estado, e outra co Presidente da Deputación. E desde o PP estamos convencidos que a reunión co xefe rexional de estradas do Estado ainda se pode realizar, e tamén ainda hai tempo para reunirse cos alcaldes de Cervo e Foz.
Finalmente, o alcalde de Burela deberá de explicar publicamente por que non se celebraron esas reunións, porque foi el mesmo quen plantexou telas, sen que ninguen lle dixera nada. A sensación que tén o PP e que tamén se percibe na rua é que o alcalde non fixo todo o que tiña que facer
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
