CERVO .- O Alcalde de Cervo, Alfonso Villares Bermúdez, convocou a unha reunión a todos os veciños dos edificios de nova construción que continúan con luz de obra en San Cibrao. O rexedor cervense, xunto co persoal técnico municipal resolverán as dúbidas que poidan ter os inquilinos destas vivendas respecto da problemática que lles está a afectar, polas deficiencias no subministro eléctrico das súas vivendas, así como dará conta das xestións que desde o Goberno municipal teñen previsto desenvolver na procura dunha solución satisfactoria. Xa no seu día Alfonso Villares asumiu o compromiso de mediar entre a empresa promotora, o departamento da Xunta con competencias en materia de Industria e a subministradora Begasa co obxecto de superar esta situación e colaborar conxuntamente na defensa dos intereses dos veciños destas dúas comunidades.
SUBMINISTRO ELÉCTRICO GARANTIDO
Villares explicou que as licenzas de construción destes edificios, como de calquera outra vivenda que se pretenda edificar no termo municipal, non se outorgan por unha decisión unilateral do Goberno municipal, senón que contan co aval técnico e xurídico dos funcionarios municipais que dan o visto e prace ás distintas solicitudes. De todos os xeitos para que os propietarios poidan darse de alta dun xeito individualizado nos distintos subministros que precisa o seu fogar é preciso dispoñer de licenza de primeira ocupación, coa que se comproba a habitabilidade de vivenda e a concordancia entre o edificado e o proxecto de construción. Solo despois da presentación desta licenza de primeira ocupación BEGASA da a luz.
A maiores é preciso explicar que BEGASA, que actúa en réxime de monopolio na distribución de enerxía eléctrica, esixe baixo o seu criterio desenvolver unha nova acometida desde a subestación de Burela ata San Cibrao para dar luz dun xeito individualizado e con total calidade aos propietarios destes dous edificios cuxo custe a empresa promotora non está en disposición de asumir polo seu alto custe. Desafortunadamente a día de hoxe o mercado de distribución da enerxía eléctrica segue a exercerse en réxime de monopolio e isto implica que as empresas promotoras dos edificios teñen que asumir a esixencia imposta por BEGASA para que poida cursarse o alta no servizo.
EDIFICIOS MÁIS NOVOS CON SUBMINISTRO NORMALIZADO
Neste senso, chama a atención o feito de que existan varias comunidades que obtiveron a súa licenza de primeira ocupación en datas posteriores aos edificios que continúan con luz de obra e a día de hoxe si están a recibir luz eléctrica individual e de calidade. Polo tanto, non estamos a falar dun problema de insuficiencia de capacidade tal e como pretenden facer ver algúns, senón da dificultade xurdida despois de que BEGASA condicione o subministro individual a estas vivendas ao feito de que a promotora sufrague o custe deste nova liña eléctrica.
De feito as licenzas de construción dos edificios que están a sufrir esta problemática foron outorgadas o 22 de xullo de 2008 e o 7 de novembro de 2008. Pola contra reciben luz con total garantía outros edificios de nova construción que obtiveron a súa licenza en datas posteriores: 17 de setembro de 2008 e 25 de marzo do ano 2009.
INDUSTRIA, DO BNG, DE BRAZOS CRUZADOS
Cada un destes datos botan por terra as insinuacións que “con consciencia da súa falsidade, e con altas doses mala fe” está a verter publicamente o único concelleiro nacionalista de Cervo. Unha vez máis o edil do BNG “apúntase a un bombardeo e excede a crítica política” para acusar ao Goberno municipal de cometer ilegalidades, algo “absolutamente inaceptable e que debera probar ante os tribunais de xustiza”. Probablemente a contundente acusación dos nacionalistas ten por obxecto desviar a atención sobre a súa falta de apoio a estes veciños cando correspondía. De feito o Alcalde xa deu conta ao anterior titular da consellería de Industria, o nacionalista Fernando Blanco, desta situación e pese a que comprometeuse a estudar unha solución, a anterior Xunta nada fixo neste sentido.
AO CARÓN DOS VECIÑOS
Por outra banda o Alcalde xustifica o malestar dos veciños dos edificios que están a ver como durante meses está a recibir un subministro eléctrico deficitario e non observa unha pronta solución. “É ata certo punto de vista lóxico que busquen un culpable” En todo caso non considera afortunadas as críticas feitas polo presidente dunha das comunidades respecto da xestión e responsabilidade municipal “Probablemente esta mal asesorado e realiza un ataque certamente desproporcionado fronte á única administración que está a traballar por atopar unha solución.”
Alfonso Vilalres insiste na necesidade de unir esforzos para superar a problemática xurdida e, dun xeito conciliador, mantén o seu ofrecemento para traballar na defensa dos intereses de todos os veciños destes edificios. “Teño o convencemento de que xuntos, e con boa disposición por ambas partes, podemos atopar unha solución”
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
