BURELA .- A Rede de Dinamización da Sociedade da Información, en colaboración co concello de Burela, anuncia máis actividades de achegamento ás Novas Tecnoloxías que se levarán a cabo neste mes de setembro. As actividades e as datas nas que se desenvolverán son as seguintes:
Obradoiro de “Iniciación a Internet”: con esta actividade preténdese que o usuario/a, ao finalizar este obradoiro, sexa capaz de navegar e coñecer os servizos que lle ofrece Internet empregando o navegador libre Mozilla Firefox. Desenvolverase de luns a venres, do 1 ao 8 de outubro, de 11 a 12:30 horas.
Obradoiro de “Follas de cálculo: Calc”: ao finalizar esta actividade, o/a usuario/a o será capaz levar as contas da súa casa, da comunidade ou do traballo a través do programa gratuíto OpenOffice Calc. Desenvolverase de luns a xoves, do 5 ao 22 de outubro, de 11 a 12 horas.
Obradoiro de “Creación de calendarios para nenos e nenas”: con esta actividade preténdese que o usuario/a, ao finalizar este obradoiro, sexa capaz de facer os seus propios calendarios co programa libre “OpenOffice Writer”. Desenvolverase de luns a xoves, do 5 ao 14 de outubro, de 19 a 20 horas.
Obradoiro de “Iniciación á Informática: Linux”: preténdese que o usuario/a, ao finalizar este obradoiro, sexa capaz de manexar con certa soltura os obxectos e funcionalidades básicas dun sistema operativo baseado en Software Libre.
Desenvolverase de luns a venres, do 9 ao 23 de outubro, de 11 a 12 horas.
Asemade, está prevista a realización da charla “SIXPAC: Sistema de Información Xeográfica” o luns 26 de outubro de 11 a 12 horas. Con esta actividade amosarase como buscar parcelas agrícolas, medir fincas e calcular a área a través da aplicación web SIXPAC.
A Rede de Dinamización, da Secretaría Xeral de Modernización e Innovación Tecnolóxica, enmarcada no PEGSI (Plano Estratéxico Galego da Sociedade da Información), é unha das estratexias fundamentais para a inclusión na Sociedade da Información. A Rede ten entre os seus principais obxectivos titorizar a cidadanía con maiores dificultades e proporcionarlles os medios e ferramentas necesarios para poder formar parte activa da S. I. A RDSI conta con 51 dinamizadores e dinamizadoras espallados pola xeografía galega en diversos Centros de Dinamización, nos que se desenvolven charlas, obradoiros e cursos de alfabetización dixital, entre outros, adaptados ás necesidades de diferentes colectivos sociais como son mulleres, persoas maiores, persoas con discapacidade, xuventude, asociacións e empresas.
Para solicitar máis información sobre as súas actividades poden dirixirse ao Centro de Dinamización de Burela, sito na Casa da Xuventude do concello ou mandar un correo electrónico ao seguinte enderezo: roberto.burela@dinamiza.fundacioncalidade.org.
Contacto:
Roberto Caneiro Manteiga
Dinamizador da Sociedade da Información
Para máis información sobre o proxecto pódese acudir ao portal web da Rede de Dinamización da
Sociedade da Información: www.redededinamizacion.eu.
ÚLTIMA HORA
- Ribadeo reforza a loita contra o acoso escolar co programa KiVa e unha carreira colaborativa con 350 estudantes
- Viveiro celebra a “Festa do Comercio” cunha Extra de Verán de 1.200 €
- A Praza de España, de Ribadeo, foi escenario este sábado dunha actividade de spinning dirixida
- A Garda Real izará as bandeiras no novo espazo oficial xunto á Casa do Concello de Ribadeo
- A Praza de España, de Ribadeo, foi escenario este sábado dunha actividade de spinning dirixida
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”. - Catuxa Salom na Conservera de Viveiro
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick. - O conselleiro de Cultura, José López Campos, e a deputada Iria Castro participaron este venres na XXXV Festa da Filloa de Muimenta, unha celebración declarada de Interese Turístico de Galicia que encheu o recinto feiral Manuel Vila ao longo da xornada
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira. - O Deputado de Medio Ambiente, Carlos López, participou este venres xunto ao Alcalde da Pontenova, Darío Campos, na 46 edición da Festa da Troita
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez. - Ata este domingo celébrase O Festival da Ostra de Castropol
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba. - O Instituto de Estudos Chairegos (IESCHA), coa colaboración do Concello de Vilalba, organiza o acto de presentación do libro Memorias dun porco teixo, de Xosé Manuel Felpeto Carballeira, publicado pola Editorial Tris Tram
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba. - A Vicepresidencia da Deputación apoia a participación do Castro FSF na fase final da Copa da Raíña de Fútbol Sala, que se disputa esta fin de semana en Móstoles
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
2021 Crónica 3 A Mariña - Implementado por GaliciaDigital