BARREIROS .- O delegado da Área de Cultura da Deputación, Antonio Veiga, presentou este martes a mostra itinerante “Incisións” no Centro Sociocultural Manuel Díaz Sampedro de Barreiros. A exposición, composta por 26 gravados e organizada polo Museo Provincial de Lugo con motivo do seu 75 aniversario, permaneceu do 5 ao 24 de maio na galería lucense. Logo da súa clausura, a dirección do museo ofreceulles aos distintos concellos de Lugo a posibilidade de acolleren esta mostra durante un pequeno período de tempo para favorecer así unha mellor e maior difusión destas obras conmemorativas.
Deste xeito, do 16 de xuño ao 12 de xullo os gravados permaneceron no Centro Cultural de Cervo, do 14 de xullo ao 17 de agosto no Forte de San Damián en Ribadeo, e do 18 de agosto ao 15 de setembro na Casa da Cultura de Burela. Despois da súa expedición polas distintas comarcas lucenses a exposición volverá, dentro duns meses, ao seu lugar de orixe: o Museo Provincial de Lugo, un espazo no que se poderá visitar xunto ao resto das obras e coleccións que forman parte da exposición permanente da galería.
Na súa intervención, Antonio Veiga salientou que coa posta en marcha deste proxecto expositivo o Museo de Lugo “quixo poñer ao dispor do público en xeral, e agora concretamente ao da Mariña, un testemuño histórico-cultural de actualidade e de incalculable valor e riqueza que representa cada un dos 26 gravados”. Alén disto, o nacionalista resaltou a necesidade de achegarlle a arte á sociedade facendo partícipe esta última dos seus cambios a pequena e gran escala. Logo disto, o delegado da Área de Cultura fixo fincapé na necesidade de “impulsar e fomentar o traballo realizado día a día polos distintos artistas lucenses para que, aos poucos, estes ocupen o lugar que merecen no panorama artístico e cultural de Lugo e, por extensión, de Galiza”.
Por último, cómpre salientar que este proxecto cultural de carácter itinerante tomou forma grazas ao traballo realizado polo comisario da exposición, Ignacio López, e á colaboración de 26 artistas plásticos e gravadores lucenses que elaboraron cadansúa peza conmemorativa vinculada directa ou indirectamente co Museo Provincial de Lugo.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
