NOTA DE PRENSA
A concelleira socialista xunto co resto dos seus compañeiros de Grupo, a abstención do BNG e o voto en contra do PP, aprobou unha modificación de crédito a través da que se autorizaba o pago dunha relación de facturas entre as que estaban varias da empresa Saiju instalaciones, da que o seu marido e ela mesma son accionistas
ROSA ALONSO APROBOU FACTURAS EN BENEFICIO DA SÚA EMPRESA FAMILIAR EN MARZO DO 2009 PESE A TER A OBRIGA LEGAL DE ABSTERSE
• O artigo 28 da Lei 30/1992 que regulamenta o réxime xurídico das administracións establece taxativamente que as autoridades e cargos públicos se absterán de intervir naqueles procedementos nos que teñan interese persoal ou exista algún tipo de parentesco.
• Os populares queren coñecer se hai máis casos como este nos que Rosa Alonso incorreu nun evidente conflicto de intereses entre o público e o privado.
A Mariña, 12 de setembro de 2009.- O Partido Popular de Foz puido constatar que Rosa Alonso aprobou facturas en beneficio da súa empresa familiar en marzo do presente ano, pese a ter a obriga legal de absterse. Os populares teñen constancia de que no Pleno da Corporación Municipal celebrado o pasado mes de marzo a concelleira socialista xunto co resto dos edís da súa formación política, a abstención do BNG e o voto en contra do PP, aprobaron unha modificación de crédito a través da que se autorizaba unha relación de facturas entre as que estaban varias en favor da súa empresa familiar, Saiju instalaciones, da que tanto ela como o seu marido son accionistas, segundo veu a recoñecer nos días pasados o Alcalde de Foz.
ABSTENCIÓN POR IMPERATIVO LEGAL
A Lei 30/1992 de 26 de novembro de Réxime Xurídico das Administracións Públicas e Procedemento Administrativo Común é moi taxativa cando no seu artigo 28 establece que as autoridades e cargos públicos, entre os que se atopan os concelleiros, teñen a obriga de absterse á hora de intervir naqueles procedementos nos que teñan algún tipo de interese persoal ou exista algún tipo de parentesco. O apartado 5 deste mesmo artigo, establece tamén que “ a non abstención nos casos nos que proceda dará lugar a responsabilidade”.
Rosa Alonso como membro da Corporación Municipal, en aplicación deste imperativo legal, debeu comunicar a súa incompatibilidade ao seu superior xerárquico, neste caso o Alcalde de Foz, e absterse de toda intervención neste punto da orde do día do Pleno tendo en conta que, neste caso, se trataba de autorizar o pagamento dunha importante cantidade de diñeiro á súa empresa familiar.
NO PSOE CONFUNDEN O PÚBLICO E O PRIVADO
Os populares insisten en que estamos ante unha sucesión de irregularidades motivadas polo evidente conflicto de intereses entre o público e o privado, no que incorre o Goberno municipal e, máis en concreto esta concelleira. É por iso que xa adiantan, requirirán toda a información pertinente para coñecer en cantas outras ocasións Rosa Alonso puidera ter cometido este tipo de irregularidades. Esta acreditado que, o Concello de Foz, con autorización do seu Equipo de Goberno, abonou con cartos procedentes das arcas municipais, importantes cantidades de diñeiro en beneficio desta empresa familiar. Parece evidente que, ante a contundencia das cautelas legais para evitar este tipo de feitos, os socialistas están a confundir a xestión dos asuntos públicos cos intereses profesionais e persoais dalgún dos seus concelleiros.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
A programación presentouse na Delegación Territorial de Lugo, nun acto no que participaron o delegado territorial, Alfonso Villares; o alcalde, Francisco Balado; e representantes da entidade organizadora. Villares lembrou que a asociación recuperou o ano pasado a tradicional celebración do Corpus Christi na parroquia e destacou o seu labor impulsando actividades que fortalecen a convivencia. A xornada comezará ás 13:00 horas coa misa e a sesión vermú, continuará ás 15:00 co xantar popular e incluirá sorteos, animación musical, unha cea a base de petiscos e verbena.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
