BARREIROS . O delegado da Área de Cultura da Deputación, Antonio Veiga, inaugurou este venres, xunto a outras autoridades locais, a exposición itinerante “Inquedanzas” do fotógrafo lucense Hixinio Flores. A mostra, composta por unha pequena porcentaxe das obras presentadas polo Museo Provincial de Lugo no Pazo de San Marcos no mes de agosto, poderase visitar ata o vindeiro venres 5 de novembro na sala de exposicións do Centro Sociocultural Manuel Díaz Sampedro de Barreiros. O patrimonio etnolóxico galego, a paisaxe e as consecuencias da intervención do ser humano na mesma definen en boa medida a produción deste artista, nado en Castro de Rei, que pretende dialogar co seu público empregando como canle de comunicación esta selección de instantáneas.
Na súa intervención, Antonio Veiga recalcou que esta exposición “é o resultado dun exhaustivo traballo de campo desenvolto durante moitos anos e que a día de hoxe se converteu nunha referencia indiscutible no eido da fotografía etnográfica e antropolóxica de Galiza”. Alén disto, o nacionalista agradeceulle ao fotógrafo lucense “a posibilidade que nós ofrece ao rescatar e dar coñecer, a través das súas imaxes, unha parte esencial do noso patrimonio natural e cultural”.
A Área de Cultura da Deputación de Lugo, en colaboración co Museo Provincial, pretende achegarlles esta e outras exposición a todos os lucenses traballando de forma conxunta cos concellos. O obxectivo desta iniciativa cultural é acadar, co paso do tempo, unha mellor e maior difusión obras de gran valor e relevancia cultural e social achegándoas fisicamente ao maior número de vilas posible. Deste xeito, unha parte da produción artística de Hixinio Flores viaxará, ao igual ca exposición de gravados “Incisións”, por toda a xeografía lucense antes de volver ao seu lugar de orixe, o Museo de Lugo.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
