LUGO .- A Deputación de Lugo aprobou un prego do programa Innova-TE para a contratación da administración electrónica no organismo provincial e en 66 Concellos de Lugo que suma 7 millóns de euros. O presidente do ente provincial, José Ramón Gómez Besteiro, subliñou que “estamos diante do prego máis amplo e importante aprobado, xa que vai abordar, coa máxima garantía, a maior inversión en TICs feita nunca na historia da provincia e de Galicia”.
Nota de Prensa
A Deputación aproba o prego coa maior inversión en TICs feita nunca en Galicia
– O INLUDES aproba este martes unha contratación para a implantación da Administración electrónica no organismo provincial e en 66 Concellos que suma 7 millóns de euros
– A Unión Europea aporta o 70% do orzamento total e o INLUDES o 30%
– Gómez Besteiro subliña que esta iniciativa “é a chave na man que arrincará, en 18 meses, a e-administración de forma global e conxunta en toda a provincia”
– O proxecto permite aos veciños facer dende a rede trámites que ata o de agora esixen a súa presenza na Deputación e nos Concellos
O Presidente da Deputación, José Ramón Gómez Besteiro, xunto coa Vicepresidenta Segunda, Lara Méndez, anunciaron que este martes o INLUDES aprobou o prego do programa Innova-TE para a contratación da Administración electrónica no organismo provincial e en 66 Concellos de Lugo. Gómez Besteiro subliñou que “estamos diante do prego máis amplo e importante aprobado, xa que vai abordar, coa máxima garantía, a maior inversión en TICs feita nunca na historia da provincia e de Galicia”.
O titular do organismo provincial salientou que a Deputación adica á “e-administración” 7 millóns de euros, uns 1.300 millóns das antigas pesestas, dos cales o 70 por cento apórtaos a Unión Europea e un 30 por cento o INLUDES. Neste senso, Gómez Besteiro subliñou que “a Deputación quere ter unha a chave en man que arrinque toda a administración electrónica en 18 meses, xa que a empresa adxudicataria, ou o grupo delas, terá que poñer en marcha a Administración electrónica da Deputación e de 66 Concellos de forma global e conxunta. Un traballo que tradicionalmente implicaría a actuación de ducias de pequenas contratacións”.
Neste senso, o máximo mandatario provincial destacou que con esta fórmula de contratación, a Deputación aforra máis cartos e tempo que contratando por separado cada unha das actuacións, e busca os “mellores” que sexan capaces de facelo.
“De cidadáns in line a on line”
O Presidente da Deputación incidiu en que coa “e-administración” os veciños da provincia deixan ser “cidadáns in line, é dicir cidadáns que fan cola, para ser cidadáns que solventan, dende a súa casa e en tempo real, os trámites coa administración”. Neste senso, explicou que a Administración electrónica permite facer dende a Internet trámites que antes se facían de forma presencial na Deputación ou nos Concellos.
“Igual que se pode facer a declaración da renta a través da Rede, a Deputación ofrecerá a posibilidade de, por exemplo, pedir o certificado de empadronamento, pedir ou consultar o estado das subvencións, inscribirse en oposicións, solicitar permisos ou licenzas municipais, facer trámites de recadación, ou pagar impostos ou tributos”, indicou.
Para isto, os veciños só terán que entrar na páxina da Deputación ou nas dos Concellos, e identificarse a través do DNI electrónico. A continuación, poderán descargar os formularios necesarios, adxuntar a documentación precisa, e facerllo chegar á administración correspondente mediante a rede.
“Do paleolítico á Socidade da Información”
O máximo mandatario provincial destacou que con Innova-Te “Lugo abandonará o paleolítico informatico para entrar de cheo na era da sociedade da información”, e explicou que este proxecto dotará aos 66 Concellos de portais de servizos, de capacidade WiFi ou de ordenadores, ademais de extender a banda ancha. Neste senso, lembrou que “Lugo sitúase a cola nesta materia xa que, por cada 100 habitantes, 13 teñen banda ancha, cando en calquera outra provincia con máis de 100.000 habitantes teñena o 50 por cento da poboación”.
Aposta polas novas tecnoloxías
Gómez Besteiro subliñou e “e-administración é un paso máis da aposta da Deputación polas novas tecnoloxías para a xeración de emprego e oportunidades económicas”, e exemplificou coa creación dun centro virtual de asesoramento empresarial e dunha rede de axentes de dinamización tecnológica e empresarial para a implantación das novas tecnoloxías nos negocios e para estimular as iniciativas empresariais. Da mesma maneira, o titular do organismo provincial destacou que a Administración electrónica permitirá “a integración social a pesares da dispersión da poboación e a orografía da provincia facendo que os veciños participen da vida local.
9 millóns de euros para o Innova-TE
Gómez Besteiro e Lara Méndez destacaron que o actual equipo de Goberno reorientou as políticas da Deputación cara tres piares estratéxicos: medio ambiente, creación de emprego e novas tecnoloxías, sendo este último o campo que conta co maior orzamento. O proxecto Innova-TE conta cun investimento total de 9 millóns de euros, 7 millóns destínanse á “e-adminitración”, “así que, a partir de agora, asistiremos a novas contratacións no campo das tecnoloxías”.
Neste senso, a Vicepresidenta Segunda da Deputación salientou que este é o prego máis amplo aprobado na historia da provincia e de Galicia, e lembrou que, por exemplo, na Xunta de Galicia adicáronse 2 millóns de euros para a Administración electrónica, ao igual que o fixo a Deputación de A Coruña.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
