O VICEDO .- A Rede de Dinamización da Sociedade da Información, en colaboración con concello de O Vicedo, impartirá este mes a charla “Pide cita médica a través de Internet” e con catro obradoiros tecnolóxicos. Para inscribirse ou para solicitar máis información poden dirixirse ao Centro de Dinamización de O Vicedo, sito no baixo da casa da cultura, chamar ao teléfono 982590195 ou mandar un correo electrónico ao enderezo tedy.ovicedo@dinamiza.fundacioncalidade.org.
Nota de Prensa
A Rede presenta o seu programa para outubro en O Vicedo
A Charla “Pide cita médica a través de Internet”, xunto con catro obradoiros tecnolóxicos, serán as actividades deste mes
O Vicedo, a 5 de outubro de 2009. A Rede de Dinamización da Sociedade da Información, en colaboración con concello de O Vicedo, anuncia máis actividades de achegamento ás Novas Tecnoloxías que terán lugar no mes de outubro en O Vicedo. Os obradoiros que se van desenvolver e as datas nas que terán lugar son os seguintes:
* “Alfabetización Dixital: Informática e Internet”: con esta actividade preténdese que o usuario/a ao finalizar este obradoiro sexa capaz de manexar de forma básica un computador, así como de acceder a Internet e utilizar algúns dos recursos básicos dispoñíbeis. Desenvolverase de luns a xoves, do 13 ao 22 de outubro, de 17 a 18 horas.
* “Prensa en Internet”: pretende capacitar aos usuarios/as para que poidan ler os xornais dixitais para manterse informado/a. Asemade, realizarase de luns a mércores, do 19 ao 21 de outubro, de 16 a 17 horas.
* “Ferramentas Google”: este obradoiro pretende facer que os usuarios/as sexan capaces de empregar os recursos e ferramentas dos que dispón Google na Internet.. Vai ter lugar do 19 ao 22 de outubro, de luns a venres, de 19 a 20 horas.
* “Elaboración do Currículo co Ordenador”: o usuario/a ao finalizar este obradoiro será capaz de crear un currículo empregando un ordenador. Vai ter lugar o mércores e xoves, o 28 e 29 de outubro de 17 a 19 horas.
Asemade, está prevista a realización da charla “Pide a cita médica a través de Internet”. Esta, que terá lugar o día 27, ás 17 horas na aula de dinamización sita no baixo da casa da cultura. consistirá na demostración do sinxelo que é conseguir unha cita medica de atención primaria a traves de Internet.
O prazo de inscrición para estas actividades será do 13 ao 19 de outubro.
A Rede de Dinamización, da Secretaría Xeral de Modernización e Innovación Tecnolóxica, enmarcada no PEGSI (Plano Estratéxico Galego da Sociedade da Información), é unha das estratexias fundamentais para a inclusión na Sociedade da Información. A Rede ten entre os seus principais obxectivos titorizar a cidadanía con maiores dificultades e proporcionarlles os medios e ferramentas necesarios para poder formar parte activa da S. I. A RDSI conta con 51 dinamizadores e dinamizadoras espallados pola xeografía galega en diversos Centros de Dinamización, nos que se desenvolven charlas, obradoiros e cursos de alfabetización dixital, entre outros, adaptados ás necesidades de diferentes colectivos sociais como son mulleres, persoas maiores, persoas con discapacidade, xuventude, asociacións e empresas.
Para inscribirse ou para solicitar máis información sobre as súas actividades poden dirixirse ao Centro de Dinamización de O Vicedo, sito no baixo da casa da cultura, chamar ao teléfono 982,590,195 ou mandar un correo electrónico ao enderezo tedy.ovicedo@dinamiza.fundacioncalidade.org
Contacto:
Tedy Martinez Yañez
Dinamizador da Sociedade da Información
Para máis información sobre o proxecto pódese acudir ao portal web da Rede de Dinamización da Sociedade da Información: www.redededinamizacion.eu.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
